اسلام آباد۔ 21 فروری (اے پی پی) وزیر داخلہ چوہدری نثارعلی خان گدرینگوک آ دے تیٹی کوئٹہ بمب ڈسپوزل سکواڈ نا شہید مروک آ کارندہ عبدالرزاق کن میڈل و اونا خاہوت کن مالی کمک نا پڑو ئِ کرینے۔ سے شنبے آ جاری بیان نا رداٹ وزیر داخلہ شہید کارندہ ئِ خراج عقیدت پیش کرسا پارے کہ پولیس نا دُن ئُ سپوت مچ آ پاکستان نا پولیس کارندہ غاتے کن باعث فخر و باعث تقلید ئِ۔ اوپارے کہ میڈل یا مالی آسراتی ہچ گہس نا زندانا بدل ئِ تفک ولے مملکت پاکستان آ الم ئِ کہ او دُن انگا بہادر ورناتا قربانی تا اعتراف ئِ کے۔
