اسلام آباد۔ 21 فروری (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم خشک سلک ولے گلگت بلتستان ، کشمیر و اونا ایب و کیب مشی آ علاقہ غاتیٹی گڑاس ہند آتیا پین ہلکا پر و مش تیا برف باری نا گمان ئِ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم خشک سلیس۔ ولے گوجرانوالہ ، راولپنڈی ڈویژن، کشمیر و گلگت بلتستان اٹی گڑاس ہند آتیا پر و مش تیا برف باری مس غٹ آن زیات پر گڑھی دوپٹہ ٹی 7 ملی میٹر، راولاکوٹ، کوٹلی 2، سیالکوٹ ، منڈی بہاولدین 3، منگلا و ہنزہ ٹی اسہ ملی میٹر پر ریکارڈ کننگا۔ سے شنبے آ ریکارڈ کروک آ ملک انا یخ انگا ہند آتا رپورٹ نا رداٹ کالام اٹی درجہ حرارت منفی 8 ڈگری سینٹی گریڈ ، پارہ چنار منفی 5، قلات منفی 4، کوئٹہ منفی 3، استور، سکردو و مالم جبہ ٹی اسہ ڈگری سینٹی گریڈ ریکارڈ کننگا۔
