اسلام آباد۔ 21 فروری (اے پی پی) آپریشن ضرب عضب اٹی زہمی مروک آ فاٹا نا بے اُرا بندغ آتا ہند آتا سروے برجاہ ئِ ، داوخت اسکان 21 ہزار ہند آتا سروے ئِ پورو کننگانے، پورو بھس مروک آ اُرانا مالک ئِ چار لکھ روپئی وخت اس کہ جزوی وڑاٹ زہمی مروک آ اُرانا مالک ئِ اسہ لکھ 15 ہزار روپئی تننگ انگ ئِ۔ فاٹا آر آر یو نا کمامدارآتارداٹ دہشت گرد آتا برخلاف جاری آپریشن ضرب عضب اٹی فاٹا نا بے اُرا بندغ آتا ہند آتا سروے نا چرجوئی برجاہ ئِ داوخت اسکان 21 ہزار ہند آتا سروے ئِ پورو کننگانے۔ کمامدارآتا رداٹ آپریشن آن زہمی ہر ایجنسی ٹی سیکورٹی فورس، ضلعی انتظامیہ، محکمہ مال و اسکول ٹیچر آک اُرااُرا غا ہنسا آپریشن آن زہمی علاقہ غاتیٹی ہند آتا سروے ٹی اختہ ئُ۔ کمامدارآتارداٹ پورو بھس مروک آ اُرا نا مالک ئِ 4لکھ روپئی معاوضہ تننگ انگ ئِ وخت اس کہ جزوی وڑاٹ زہمی مروک آ اُرانا مالک ئِ اسہ لکھ 60 ہزار روپئی نا معاضہ تننگ انگ ئِ۔
