راولپنڈی۔ 20 فروری (اے پی پی) پاک فوج انا سروک جنرل قمر جاوید باجوہ پاک اوغان سیم آ دہشت گرد و ہروڑنا غیر کانودی ہن و بر ئِ توننگ کن اوغان سیکورٹی فورس آتون سیمی رابطہ و کمکاری ئِ گچین جوڑ کننگ نا پارت کرینے۔ پاک فوج انا شعبہ تعلقات عامہ (آئی ایس پی آر) نا رداٹ دوشنبے آ جی ایچ کیو ٹی آرمی چیف جنرل قمر جاوید باجوہ نا کماشی ٹی سلامتی نا بابت بڑزکو کہول نا دیوان اس اڈ ہلک۔ آرمی چیف جنرل قمر جاوید باجوہ پارینے کہ پاک اوغان سیم آ ودفوک آ سیکورٹی بست وبند اسیجائی دشمن نا برخلاف ئُ چائے دا دہشت گردآتا تعلق ہرارنگ و نسل آن مرے۔ آرمی چیف اوغان کمامدار آتا کنڈآن دہشت گردی نا برخلاف نتیجہ خیز کوشست آتے کن تین پہ تینی کمکاری نا ساڑی آ سلاہ نا ہم خیر مقدم ئِ کرینے۔
