چیئرپرسن بی آئی ایس پی ماروی میمن ضلع کیچ اٹی اُرااُرا سروے نا بنائِ کرے
سروے ٹیمک بلوچستان نا ہر اُراغا سرمریرہ، بنائی مرحلہ مئی 2017ءٹی پورو مریک
اسلام آباد۔ 20 فروری (اے پی پی) وزیر مملکت و چیئرپرسن بی آئی ایس پی، ایم این اے ماروی میمن دوشنبے آ کیچ اٹی اسہ بھلو مچی اسے ٹی غٹ اسٹیک ہولڈر آتا ساڑی گری ٹی اُرااُراسروے نا بنائِ کرے۔ بی آئی ایس پی ساڑی ہی ٹی بلوچستان نا ضلع قلعہ سیف اللہ و کیچ اتون اوار غٹ صوبہ و علاقہ غاتیان 12 پائلٹ ضلع غاتیٹی اُرا اُرا سروے نا بنائِ کرینو۔ سروے نا بنائی مرحلہ مئی 2017ءٹی پورو مریک اوکان پد اگست 2017ءٹی ملک گیر سروے نا بناءکننگک۔ چیئرپرسن بی آئی ایس پی تران اٹی پارے کہ سروے ٹیمک بلوچستان نا ہر اُراغا سرمریرہ ، سال 2010 ءٹی مسکوہی حکومت نا کنڈآن کرفوک آ سروے بلوچستان نا الس نا حقی عکس کشی کننگ اٹی بے سہب مسوسس۔ گدرینگوک آ سروے نا خامی تے مر کننگانے و وزیراعظم نواز شریف نا پارت آتارداٹ داہیتئِ المی جوڑ کننگک ہچ ئُ حقدار نیاڑی اس پوسکن آ سروے ٹی سلپ۔ چیئرپرسن کیچ اٹی امن وایمنی نا حالیت آتیٹی گچینی آ سیکورٹی فورس آتا ستائِ کرے و ہندی انتظامیہ ئِ سروے ٹیم تے فول پروف سیکورٹی فراوان کننگ نا پارت تس۔ چیئرپرسن تربیتی بنجانادورہ ئِ ہم کرے ہراڑے بی آئی ایس پی نا شراکتی فرم اے اے ایس اے کنسلٹنگ ئِ سروے نا تربیت تننگاکہ۔ داکان پد او ریڈیو نا براہ راست پروگرام اٹی شرکت کرے، بی آئی ایس پی نا حقدار آتاکال آتے خف تورے و زوت آن زوت اوفتا غاو تا ازالہ کن عملہ ئِ پارت تس۔
