اسلام آباد۔ 20 فروری (اے پی پی) بنجائی وزیر انسانی حق سینیٹر کامران مائیکل پارینے کہ پاکستانی قوم تینا سیوت و سخاآن دہشت گرد آتے اوفتا مذموم عزم اتون شکست ایتک۔ دوشنبے آ تینا اسہ بیان اسے ٹی اوپارینے کہ دہشت گردی نا برخلاف غٹ پاکستانیک بے پرخ رنگ و نسل و مذہب تینا جان تا قربانی ئِ تسنو۔ اوپارے کہ امن نا دشمن پاکستان اٹی برجاہ شونداری و سوگوی نا خائف ئُ۔ اوپارے کہ دہشت گرد آتا برخلاف پبی آپریشن برجاہ ئِ ہرا سرسہبی اسکان برجاہ سلک۔
