اسلام آباد۔ 20 فروری (اے پی پی) چیئرمین سینیٹ سینیٹر میاں رضا ربانی اسلام آباد نیشنل ہسپتال نا اڈتننگ نا بل آ غور ئِ موخر کرے۔ دوشنبے آ ایوان بالا نا دیوان اٹی پاکستان پیپلزپارٹی نا سینیٹر سحر کامران تحریک پیش کرے کہ اسلام آباد نیشنل ہسپتال نا اڈتننگ نا بل اسلام آباد نیشنل ہسپتال بل 2017ءپیش کننگ نا موکل تننگے۔ اوپارے کہ اسلام آباد اٹی قومی ہسپتال نا اڈتننگ نا گرج ئِ۔ وزیر مملکت کیڈ ڈاکٹر طارق فضل چوہدری پارے کہ اسلام آباد اٹی جان جوڑی نا پین آسودہی تا گرج ئِ و دا چرجوئی ٹی گام گیج کننگ انگ ئِ ولے بھلو قومی ہسپتال اسے نا گرج اف ہراوڑکہ بل اٹی تجویز کننگانے۔ اسلام آباد اٹی 500 بیڈ آتا مسہ ہسپتال جوڑ مروک ئُ ہرافتا منظوری مسنے۔ جی 13ٹی ہم ہسپتال اس جوڑ مروئی ئِ ، پمز و پولی کلینک اٹی ہم پین گچینی اتنگ انگ ئِ۔ وزیر کانود زاہد حامد پارے کہ ہسپتال جوڑ کننگ کن کانود نا گرج ہی اف ہراڑآ چیئرمین دا معاملہ ئِ موخر کرے۔
