اسلام آباد۔ 20 فروری (اے پی پی) چیئرمین سینیٹ میاں رضا ربانی سلاہکار تا تقرری نا بابت سینیٹر سعید غنی نا دستور اٹی ترمیم نا بل ئِ تعلقدار کمیٹی آ گدریفے۔ دوشنبے آ ایوان بالا نا دیوان اٹی سینیٹر سعید غنی تحریک پیش کرے کہ اسلامی جمہوریہ پاکستان نا دستور اٹی پین ترمیم نا بل دستور (ترمیمی) بل 2017 ءپیش کننگ نا موکل تننگے ہرانا رداٹ آرٹیکل 130 اٹی ترمیم درکار ئِ ہرا سلاہکار تا تقررنا بابت ئِ۔ وزیر کانود زاہد حامد بل انا مخالفت ئِ کتو۔ چیئرمین بل ئِ پیش کننگ نا موکل تس اوکان پد او دا بل ئِ ایوان اٹی پیش کرے۔ بل ئِ تعلقدار کمیٹی آ گدریفنگا۔
