اسلام آباد۔20فروری ( اے پی پی) راجی احتساب بیورو (نیب) ءِ چیئرمین قمر زمان چوہدری ئَ گشتگ کہ نیب ملکئَ چہ بدعنوانی ئِ ھلاسی ئِ ھاترئَ زیروٹالرینس پالیسی ئِ سرئَ عمل کتگءُ پیشہ واریت ءُ شفافیت ئِ سرئَ دلگوشی کتگ، نیب ئِ تہا یک وڑیں تحقیقاتی نظام آرگ ئَ چہ مقدمات ئَ را میرٹئِ سرئَ گیش ءُ گیوار کنگئَ کمک رسیتگ، نیب ئَ ر ا 2015ئَ چہ زیادہ 2016ئَ گیش شکایت سر بوتگ کہ اے اُلسئِ نیب ئِ سرئَ باور کنگئِ نمونگ اِنت ، میاںاوستمانی ادارگ آں ھم بد عنوانی ئِ گیرءُ دار ئِ ھاترئَ نیبءِ کوشست من اِتگ اَنت۔ اے ھیالانی درشانی آئی ئَ نیمگ ہیڈ کوآرٹر ئِ کارءُ کرد ئِ چارءُ تپاسی ئِ ھوالگئَ اجلاسئِ سروکی کنگئَ کتگ۔ آئی ئَ گشتگ کہ نیب پاکستان ئَ چہ بدعنوانی ئَ را ھلاس کنگ کنگئِ ھاترئَ سرجمئَ ساپ ءُ سلہی ءِ وسیلگئَ میرٹءِ سرئَ عمل کنگ ئَ اِنت، نیب ئَ سرجمیں ملک ئَ چہ لُچی ءُ ٹگی ئِ ھلاس کنگ ءِ ھاترئَ زیروٹالرینس پالیسی ءِ سرئَ عمل کنگ ئَ اِنت ءُ بدعنوانی ئِ گرءُ دار کنگ ئِ ھاترئَ اثر مندیں ءُ مھکمیں گامیگج چست کتگ۔
