اسلام آباد۔20فروری ( اے پی پی) وزیر چیئرپرسن بی آئی ایس پی ، ایم این اے ماروی میمن ئَ دوشمبے ئِ روچ کیچ ئَ یک مزنیں مُچی ئِ وھدئَ دراھیں سٹیک ہولڈرز آنی ھمرائی ئَ لوگ لوگ سروے ئِ بُنگیج کتگ۔ بی آئی ایس پی ئَ استیں وھدئَ بلوچستانئِ دراھیں ضلع آں ھوار قلعہ سیف اللہ ئَ ھوار کیچ ئَ ھوار دراھیں صوبہ ءُ دمگاں 12پائلٹ ضع آنی تہا لوگ لوگ سروے ئِ بُنگیج کتگ۔ سروے ئِ بنگیجی بھر مئی 2017ئَ سرجم بیت کہ ایشی ئَ پد اگست 2017ئَ سرجمیں ملک ئَ سروے ئِ بندات کنگ بیت۔ چیئرپرسن بی آئی ایس پی ئَ تران ئِ وھدئَ گشتگ کہ سروے ٹیم بلوچستانئِ ھرچ لوگئَ سربنت، سال 2010ئَ گوستگیں حکومت ئِ نیمگئَ چہ کتگیں سروے بلوچستان ئِ اُلس ئِ راستیں عکس ئِ پیش دارگئَ ناکام بوتگ۔ گوستگیں سروے ئِ کمی دور کنگ بوتگ اَنت ءُ مزن وزیر نواز شریف ئِ ہدایت ئِ ردئَ اے گپ ئَ را پکہ کنگ بیت کہ ھچ ھق دار زالبول اے سروے ئِ تہا بے بھر مہ بیت۔
