مزن وزیر محمد شہباز شریف ءَ ملائیشیا ءِ ہم منصب ءَ را ٹیلی فون کتگ، مزن وزیر انور ابراہیم ءِ مستریں برات ءِ بیرانی ءِ سر ءَ دلپدردی درشان کتگ، دو نیمگی سیادی ءَ را مھکم کنگ ءِ جزم ءِ درشان

اسلام آباد۔1اکتوبر  (اے پی پی): مزن وزیر محمد شہباز شریف ءُ ملائیشیا ءِ مزن وزیر انور ابراہیم ءَ پاکستان ءُ ملائیشیا ءِ سیادی ءَ را گیش مھکم کنگ ءِ ھاترا ھاسیں رنگ ءَ اقتصادی کمک ءِ دیمروئی ءِ ھاترا وتی جزم ءِ پدا پدر کتگ۔ پنچ شمبے ءِ روچ ءَ سوشل میڈیا پلیٹ فارم ایکس ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ آئی ءَ ملائیشیا ءِ مزن وزیر انور ابراہیم ءَ را ٹیلی فون کتگ ءُ آئی ءِ مستریں برات ءِ بیرانی ءِ سر ءَ دلپدردی ءِ درشانی کتگ ءُ بیران بوتگیں مردم ءِ مغفرت ءِ دعا کتگ ءُ اے گرانیں وھد ءَ آئی ءُ آئی ءِ کھول ءِ واستہ صبر ءُ تسلہ ءِ دعا کتگ۔ مزن وزیر ءَ گوشت کہ آئی ءَ پاکستان ءُ ملائیشیا ءِ سیادی ءَ را گیش مھکم کنگ ءِ واستہ ھاسیں رنگ ءَ اقتصادی کمک ءِ دیمروئی ءِ واستہ وتی جزم ءِ ھم پدر کتگ۔