سرگودھا۔ 20 فروری (اے پی پی) وزیراعظم قومی جان جوڑی کارڈ پروگرام انقلابی ءُ ڈٹ اسے ، ہرانا بھرم آک براہ راست لس بندغ اسکان سرمریرہ۔ داخیال آتا درشانیءِ پاکستان مسلم لیگ(ن) نا باسک صوبائی اسمبلی رانا منور غوث خان چک 120 و 119 سویلی ٹی جان جوڑی کارڈ بشخ وپانٹ کننگ نا دود آن تران کرسا کرے۔ داوخت آ اوپارے کہ قومی جان جوڑی کارڈ انا بشخ وپانٹ 90 درسد پورو مسنے دا پروگرام آن ضلع سرگودھا نا دونیم لکھ خاہوت فائدہ ہرفیرہ ۔ داپروگرام نا باقاعدہ بناءِ وزیراعظم محمد نواز شریف زوت سرگودھا غا برسہ کیک۔ اوپارے کہ مسلم لیگ (ن) نا حکومت لس بندغ نا شرحالی کن گچین آن گچین گام گیج کننگ ءِ قومی جان جوڑی کارڈ پروگرام ہندا چرجوئی نا اسہ کڑی اسے۔ داوخت آ لیگی کارندہ رانا ندیم رانا تصور ، کلیم و ایلوفک ہم ساڑی ئسر۔
