نیروبی ۔ 30 جنوری (اے پی پی) پاکستان و کینیا سفارت کار آتا تربیت نا بابت مفاہمتی یات داشت آ دستخط کریر، مفاہمتی یات داشت آ پنچ شنبے نادے آ وزیر خارجہ شاہ محمود قریشی و اونا کینیا نا ہم منصب ریشیلیا اومامو دستخط کریر ۔ دا ایم او یو ہڑتوم آ ملک آتا فارن سروس اکیڈمی تون تعلقدار ءِ ۔ دا مفاہمتی یات داشت اٹی پاکستان و کینیا نا …
پاکستان و کینیا نا نیام اٹ سفارت کار آتا تربیت نا بابت مفاہمتی یات داشت آ دستخط
گیشتریں ھال
نیروبی ۔ 30 جنوری (اے پی پی) پاکستان و کینیا سفارت کار آتا تربیت نا بابت مفاہمتی یات داشت آ دستخط کریر، مفاہمتی یات داشت آ پنچ شنبے نادے آ وزیر خارجہ شاہ محمود قریشی و اونا کینیا نا ہم منصب ریشیلیا اومامو دستخط کریر ۔ دا ایم او یو ہڑتوم آ ملک آتا فارن سروس اکیڈمی تون تعلقدار ءِ ۔ دا مفاہمتی یات داشت اٹی پاکستان و کینیا نا سفارت کار آتے پوسکن آ عملی تربیت نا بابت، اسہ ایلو نا آزموندہ غاتیان فائدہ ہرفنگ نا موقع ملک ۔ داکان مست ہم افریقی ملک آتیان تعلق تخوک آ بھاز انگا سفارت کار پاکستان نا فارن سروس اکیڈمی آن عملی تربیت دوئی کرینو ۔ ہڑتوم آ وزیر خارجہ غاک دا مفاہمتی یات داشت ءِ پاکستان و کینیا نا نیام اٹ ہڑتوم آ کنڈآتا تعلقداری تے مون آ دننگ کن اہم ءُ گام اس گوندار ۔
