اسلام آباد ۔ 29 جنوری (اے پی پی) مزن وزیر ءِ ھاسیں کمکار برائے کیاسگری شہزاد اکبر ءَ بینظیر انکم سپورٹ پروگرام (بی آئی ایس پی) ءَ مزنیں کساس ءَ بوتگیں لٹ ءُُ پل ءِ ھوالگ ءَ تران کتگ ءُُ سہرا کتگ کہ یک لکھ 40ہزار ءَ چہ گیش سرکاری مزدگر آں بی آئی ایس پی ءَ چہ ناجائز سیت گپتگ، 2037اپسرگ بائیومیٹرک ءِ وسیلگ ءَ وظیفہ گروک بوتگ انت، بی آئی ایس پی ءِ 4اپسرگ آناں کشگ بوتگ وھدیکہ توا میں کیسز ایف آئی اے ءَ را دیگ بوتگ انت، لُچی ٹھگی ءُُ کمک کنوک آنی ھلاپ ءَ فوجداری کانود ی کیس جم کنگ بیت ۔ سرکاری اپسرگ آنی گیشتریں لوگے مردم وسیلگ ءَ چہ سیت مند بوھگ ءَ بوتگ انت ۔ چار شمبے ءِ روچ ءَ ھاسیں کمکار برائے اھوالکاری ءُُ شنگ کاری ءِ ھمبراھی ءَ پریس کانفرنس ءَ گوں تران کنان ات ۔ تران کنان ءَ شہزاد اکبر ءَ گوشت کہ بی آئی ایس پی ءَ ٹوھیں اپسرگ آنی نیمگ ءَ فراڈ ءِ وسیلگ ءَ مالی سیت در جنوک آنی سرج میں ھال آنی ھوالگ ءَ تران کنان ءَ گوشت کہ سرج میں ملک ءَ چہ یک لکھ 40ہزار ءَ چہ گیش سرکاری اپسرگ آں گریب آنی ھک آناں لگت مال کنان ءَ بی آئی ایس پی ءَ چہ سیت گپتگ ۔ گریڈ 17ءَ چہ 2037 ءِ اپسرگ بائیومیٹرک ءِ وسیلگ ءَ گرگ ءَ بوتگ انت ۔ سرکاری مزدگر آنی تہ ءَ گیشتر آنی گسے مردم سیت چست کنگ ءَ بوتگ انت ۔ آئی ءَ گوشت کہ آزات جموں کشمیر ءَ چہ گریڈ 17ءَ چہ 22 ءَ تاں 9اپسرگ ، گلگت بلتستان ءَ 40 ،کے پی کے ءَ 343،پنجاپ ءَ چہ 101،بلوچستان میں 537 ءُُ سندھ ءَ 938 اپسرگ آنی گسے مردم سیت چست کنگ ءَ بوتگ انت ۔ بی آئی ایس پی ءِ چار اپسرگ ھم گریب آں چہ پیسہ گرگ ءَ بوتگ انت ۔ آئی ءَ گوشت کہ بنجاھی حکومت ءِ 48اپسرگ ھم گسے مردم آنی وسیلگ ءَ تچوکیں آپ ءَ دست شودگ ءَ بوتگ انت ۔ بی آئی ایس پی ءِ اپسرگ آنی نیمگ ءَ کیس درج کنگ بوتگ ۔ شہزاد اکبر ءَ گوشت ککہ دست مانجیں مردم آں چہ ریکورتی بیت ءُُ آوانی ھلاپ ءَ فوجداری کیس جم کنگ بیت ۔
