وزیر ءِ درئی کار مخدوم شاہ محمود قریشی ءِ کینیا ءِ وزیر برائے رودراتکی افریقہ کمیونٹی عدن محمد ءَ گوں گند ءُُ نند
اسلام آباد/نیروبی۔ 29 جنوری (اے پی پی) وزیر ءِ درئی کاری مخدوم شاہ محمود قریشی ءَ گوشت کہ پاکستان کینیا ءِ گوما وتی اقتصادی نزیکی آناں گیش برجم کنگ ءِ واستہ رودراتکی افریقی کمیونٹی (ای اے سی) ءَ بطور ءِ سول ءُُ ترانی شریکداری ءِ واھشت ایگ انت۔ اے گپ آئی ءَ چار شمبے ءِ روچ ءَ نیروبی ءَ کینیا ءِ کینٹ سیکرٹری /وزیر برائے رودراتکی افریقہ کمیونٹی عدن محمد ءَ گوں گند ءُُ نند ءِ ساھت ءَ گپ ءُُ تران ءَ کنان ءَ کت۔ گند ءُُ نند ءِ ساھت ءَ دو نیمگی یکوئی ءُُ اقتصادی کمک ءِ دیمروئی ءَ ھوار وت مہ وتی واھگی کار آنی سر ءَ ھیال ریچی کنگ بوت۔ ایشی ءَ چہ پیسر کینیا ءِ کینٹ سیکرٹری برائے رودراتکی افریقہ کمیونٹی ءَ وزیر ءِ درئی کار ءَ را کینیا ءَ آیگ ءِ پد ءَ وش اتک کت۔ وزیر ءِ درئی کار شاہ محمود قریشی ءَ گوشت کہ رودراتکی افریقی پڑ ءَ استیں اقتصادی بلاکس ءَ کینیا ءِ شریکی ءَ را ساڑات ءُ ایشرا دمگی برجائی ءِ واستہ جوانیں گام ءِ نامینت۔ آئی ءَ گوشت کہ پاکستان کینیا ءِ گوما وتی اقتصادی دیمروئی گام آناں برجم کنگ ءِ واستہ، رودراتکی افریقی کمیونٹی (ای اے سی) ءَ بطور ءِ سول ءُُ ترانی شریکدار ءِ واھشت ایگ انت۔ کیبنٹ سیکرٹری برائے رودراتکی افریقہ کمیونٹی عدن محمد ءَ اقتصادی رابطہ ءِ دیمروئی ءِ واستہ پاکستان ءِ نیمگ ءَ افریقی پڑ ءَ دلگوشی ءِ بنجاھ جوڑ کنگ ءُُ ٹریڈ کانفرنس ءِ برجائی ءِ واستہ کینیا ءَ را گچین کنگ ءِ کار ءَ را ساڑات۔ وزیر ءِ درئی کار ءَ کیبنٹ سیکرٹری عدن محمد ءَ را پاکستان ءِ تر ءُُ تاب کنگ ءِ دعوت ھم دات۔
