اسلام آباد۔ 29 جنوری (اے پی پی) چیئرمین سینیٹ محمد صادق سنجرانی پارینے کہ شیخ خالد بن خلیفہ بن عبدالعزیز الثانی پاکستان نا اسہ جوان ءُ سنگت اسے، قطر انا پوسکن آ وزیراعظم پاکستان قطر تعلقداری تے پوسکن آ بڑزی تیا دننگ اٹ اہم کڑد ادا کیک، پاکستان قطر انا ہڑتوم آ کنڈآتا کمکاری و تین پہ تینی تعلقداری تے قدر انا نظر اٹ ہرک۔ سینیٹ سیکرٹریٹ آن جاری بیان نا رداٹ چیئرمین سینیٹ قطر انا پوسکن آ وزیراعظم شیخ خالد بن خلیفہ بن عبدالعزیز الثانی ءِ مبارکباد ترسا پارے کہ شیخ خالد بن خلیفہ بن عبدالعزیز الثانی پاکستان نا اسہ جوان ءُ سنگت اسے۔ قطر انا پوسکن آ وزیراعظم پاکستان قطر تعلقداری تے پوسکن آ بڑزی تیا دننگ اٹ اہم کڑد ادا کیک۔ اوپارے کہ پاکستان قطر انا ہڑتوم آ کنڈآتا کمکاری و تین پہ تینی تعلقداری تے قدر انا نظر اٹ ہرک۔ اوپارے کہ اومیت ءِ قطر انا پوسکن آ وزیراعظم ڈیہہ نا شونداری و شونہالی کن پبی کڑد ادا کیک۔ چیئرمین سینیٹ پاکستان نا پارلیمان، الس و حکومت نا کنڈآن قطر انا سرکڑدہ کن نیک است خواہی تا کلہو ءِ تس۔ اوپارے کہ پاکستان ڈیہہ ٹی امن و شونداری کن قطر انا کوشست آتا ستاءِ کیک۔

متعلقہ مضامینمصنف کی طرف سے مزید