اسلام آباد۔ 29 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ قوم ءِ پلنگ آن پد تینے مظلوم پاروک آک حساب آن بچنگ کپسہ، نورالیگ میدان آن نرانے۔ ’ترچھی ٹوپی، ذائقے دو نومبر آن ملک آن نروک ءُ۔ کیمرہ غاتا مون آ، دیوان، ہوٹل آتے ٹی لندن نا سڑک آتیا او بھاز جوان و ہردے پوسکن ءُ ہیٹ اس بینسا تقریر کیرہ ولے عدالت آتا مون آ و کاغد آتے ٹی ناجوڑ ءُ۔ ڈاکٹر فردوس عاشق اعوان چارشنبے نادے آ تینا ٹویٹ اٹی پارے کہ دا پارلیمان آن تنخواہ ہلنگ ءُ، ولے قوم انا خذمت کن دستیاب افس، داوڑنا بیمار قوم مہالو خنتنے، قوم ءِ پلنگ آن پد تینے مظلوم پاروک آک حساب آن بچنگ کپسہ۔
