اسلام آباد۔ 28 جنوری (اے پی پی) فیڈرل بورڈ آف ریونیو نا کنڈآن پوائنٹ آف سیل نظام نا اطلاق ءِ پک کننگ کن ملک انا بھلا شارتیٹی گام گیج آک برجاءُ و دارداٹ ایف بی آر نا فیلڈ دفتر آتے پارت ہم کننگانے۔ ایف بی آر نا کمامدارآک اے پی پی ءِ پاریر کہ ملک انا بھلا شار تیٹی ٹیئر۔ون اٹ بروک آ ریٹیل سٹور آتے ٹی پوائنٹ آف سیل نظام نا اطلاق کن گام گیج آتا چرجوئی برجاءِ و دارداٹ فیلڈ دفتر آتے ہدف ہم تننگانے۔ دانظام نا رداٹ ریٹیل سٹورز آتیا ہلنگ نا وخت آ رسید نا کاپی اس خود کار نظام نارداٹ ایف بی آر نا نظام نا بشخ مریک۔ کمامدارآک پاریر کہ کوشست کننگ انگ ءِ کہ ٹیئر۔ون اٹ بروک آ غٹ ریٹیلرزجون اسکان رضاکارانہ وڑاٹ دا نظام نا اطلاق ءِ پک کیر ولے ہراریٹیلر د ارداٹ باالکل کمک کپسہ اوفتا برخلاف تادیبی کارروائی کننگک۔ کمامدارآک پاریر کہ بھلا شاپنگ مال تیٹی یکم دسمبر 2019ء آن دا نظام نا سرسہب بنامسنے۔ حساب وکتاب نا رداٹ داوخت اسکان 186آن زیات ریٹیلر آک تینا آؤٹ لیٹس آ پنچ ہزار آن زیات مشین نصب کرینو۔ دانظام آن تعلقدار غاوتا ازالہ ءِ ہم کننگ انگ ءِ۔ اسہ کساس اسے نا رداٹ ٹیئر۔ون اٹ 20 ہزار نا خڑک سٹور بریرہ ہرافتے آن 4700 رجسٹرڈ ءُ۔ ایف بی آر نا رداٹ دانظام نا دنگ ءِ پدریسہ مچ آ ملک اسکان تالان کننگک۔
