اسلام آباد۔ 28جنوری (اے پی پی) محکمہ موسمیات نا رداٹ بروک آ 24گھنٹہ ٹی قطب دے ٹکی پنجاب، اسلام آباد، بڑزکو خیبر پختونخوا، کشمیر و گلگت بلتستان اٹ وقفہ وقفہ غان پِر و مش تیا برف انا گمان ءِ وخت اس کہ ملک انا ایلو علاقہ غاتے ٹی موسم یخ و پِرکپک۔ رپورٹ نا رداٹ تدوک آ 24گھنٹہ ٹی پنجاب، بلوچستان و کشمیر نا گڑاس ضلع غاتے ٹی پِر مس و داوخت آ مری ٹی برف ہم ریکارڈ مس وخت اس کہ ملک انا ایلو بشخ آتے ٹی موسم یخ و پِرکتو۔ تدوک آ 24گھنٹہ ٹی جھنگ اٹی 32ملی میٹر، فیصل آباد 23، اوکاڑہ 20، ساہیوال 17، ٹوبہ ٹیک سنگھ 16، حافظ آباد 13، لاہور 12، گجرات 10، سرگودھا9، منڈی بہاؤالدین 8، بہاولنگر7، چکوال، گوجرانوالہ، قصور، مری 5، اسلام آباد 4، جہلم، منگلا، جوہر آباد 4، نارووال، نورپور تھل، کوٹ ادو 3، راولپنڈی 2، کوئٹہ 7، قلات 4، بارکھان 3، کوٹلی 4 و راولا کوٹ اٹی اسہ ملی میٹر پِر ریکارڈ کننگانے۔ ہنداوڑ مری ٹی 2انچ برف ہم ریکارڈ کننگا۔ سے شنبے نادے آ ریکارڈ کروک آ کم آن کم درجہ حرات نا رپورٹ نا رداٹ سکردو ٹی درجہ حرارت منفی 18 ڈگری سینٹی گریڈ، بگروٹ، پاراچنار منفی 11، گوپس، کالام، استور منفی 10، مالم جبہ منفی 4، گلگت و قلات اٹ منفی 3 ڈگری سینٹی گریڈ ریکارڈ کننگانے۔
