اسلام آباد۔ 27 جنوری (اے پی پی) صدر مملکت ڈاکٹر عارف علوی ءَ گوشت کہ زالبول ءَ را بروبر موہ پھجارگ ءِ ابید چاگرد ءِ تہ بدلی ممکن نیست انت۔ ہونہار زھگانی دلبڈی ءَ چہ محنت ءُُ مقابلہ ءِ رجحان ودی بیت، تعلیمی نصاب ءِ تہ نوکتریں دور ءِ ضلورت ءُُ تعلیمی تک ءِ تہ رجحانات ءَ چہ ہم آھنگ بدلی ءِ ضلورت انت۔اے ھیالانی درشان آہاں دوشمبے ءَ ادا ایوان صدر ءِ تہ بنجاہی تعلیمی بورڈ ءِ چیردستی 35می داد ءِ بھرءُُ بانگ ءِ مراگش ءَ گوں تران کنان ءَ کتگ ات۔مراگش ءِ تہ بنجاہی وزیر برائے بنجاہی وزیر برائے تعلیم ءُُ کسبی ہیلکاری شفقت محمود، سیکرٹری تعلیم ڈاکٹر ساجد یوسفانی، چیئرمین فیڈرل بورڈ آف انٹرمیڈیٹ اینڈ سیکنڈری ایجوکیشن ڈاکٹر اکرام ملک،مزنیں کچ ءَ لہتیں تعلیمی ادارگہانی نودربرءَ بھرزوری کتگ۔اے موہ ءِ سرا صدر مملکت ءَ پوزیشن زوروکیں نودربراں را میڈلز،لیپ ٹاپس ءُُ کیش داد بھر ءُُ بانگ کتگ ات۔ صدر مملکت ءَ نودربرانی کارکردگی سرا وشی درشان کنان ءَ گوشت کہ نودربر انی سرا زور مان کتگ کہ آں گیش محنت ءَ کن انت۔ صدر مملکت ءَ وفاقی تعلیمی بورڈ ءِ چیئرمین ڈاکٹر اکرام ملک ءِ نیمگا چہ امتحانانی سسٹم ءِ تہ شریں گہترکاری دیم آرگ ءِ ھاترا کوشستاں را ساڑاتگ۔آہاں گوشت کہ انفارمیشن ٹیکنالوجی ءَ سکول ءِ زھگ آنی ابید مزن تکی وانگی ءِ زورگ ءِ ھاترا سہل جوڈ کتگ۔ صدر مملکت ءَ نرسانی ھاترا وزارت تعلیم ءِ سکالر شپ پروگرامءَ را ساڑاتگ ءُُ گوشت کہاے تک ءِ تہ سکیں ضلورت ات۔ایشی ءَ چہ پیسر بنجاہی وزیر ءَ وتی گشتانک ءِ تہ گوشت کہ بنجاہی تعلیمی بورڈ وتی گہترکاری وسیلگ ءَ گہتریں ادارگ جوڈ بوتگ۔ملک ءِ تہ رٹہ ءِ تدارک ءُُ یکساں نصاب تعلیم رائج کنگ ھوالہ کوشست جاڑی انت۔ پرائمری تعلیم ءِ تہ یکساں نصاب ءِ مسودہ اے سال مارچ ءِ تاں تیار بہ بیت۔آہاں گوشت کہ احساس پروگرام ءِ ردا حکومت ءَ کم ءُُ گیش 50ہزار حقداریں نودربراں را سکالرشپ دیگ ءِ ھاترا پنچ ارب کلدار ایر کتگ ات۔اے موہ ءِ سرا چیئرمین تعلیمی بورڈ ءَ تران کتگ ءُُ ادارگ ءِ نیمگا چہ امتحانی سسٹم ءِ تہ کتگیں گہترکاری ءَ را اجاگر کتگ۔
