اسلام آباد۔ 27 جنوری (اے پی پی) مزن وزیر عمران خان ءَ گوشت کہ بیئپاری براتری ءُُ سرمایہ کارءَ را نپ پھجاروکیں بیئپار ءِ ھاترا شریں ماحول ءِ پھجارگ ءُُ آہانی ھاترا آسراتی پھجارگ استیں حکومت ءِ اولی دلگوشی انت‘حکومتی گامگیج ءَ چہ میاں اوستمانی سرمایہ کار پاکستان ءِ نیمگا چارگ انت۔ااے ھیالانی درشان آہاں نامدرایں بیئپاری عارف حبیب ءِ سروکی ءِ تہ قطر ءِ تہ لہتیں تک ءَ گوں سیادی داروکیں پ پاکستانی نژاد مردماں گوں گپ ءُُ تران کنان ءَ کتگ ات۔آہاں ادا اسلام آبادءِ تہ آئی ءَ گوں گند ءُُ نند کتگ۔ڈل ءِ تہ ڈائریکٹر پراڈکٹ اینڈ مارکیٹ ڈویلپمنٹ قطر اسٹاک ایکسچینج محسن مجتبیٰ، جنرل کونسل قطر فنانشل سنٹر اسحٰق برنی، سینئر ڈائریکٹر الریان انویسٹمنٹ اکبر خان، لیگل ڈائریکٹر فیفا ورلڈ کپ قطر 2022عارج سید واسطی، چیف اکانومسٹ اکنامک پالیسی اینڈ ریسرچ وزارت خزانہ قطر عرفان علیم ءُُ دگہ ھوار اتنت۔گند ءُُ نند ءِ تہ پاکستان ءُُ قطر ءِ میان ءَ اقتصادی ءُُ بیئپاری سیادیاں را پراھی دیگ ھاسکر ملک ءِ تہ معیشت ءِ لہتیں تک ءِ تہ زرکاری ءُُ قطری ءُُ قطر ءِ تہ پاکستانی ورناہانی ھاترانوکری آنی موہ ءُُ پیئپاری سرگرمی آنی پراھی سرا گپ ءُُ تران کنگ بوتگ۔مزن وزیرءَ ڈل ءَ گوں گپ ءُُ تران کنان ءَ گوشت کہ بیئپاری براتری ءُُ سرمایہ کارءَ را منافع بخش بیئپار ءِ ھاترا شریں ماحول ءِ پھجارگ ءُُ آہانی ھاترا آسراتی ودی کنگ استیں حکومت ءِ اولی دلگوشی انت۔آہاں گوشت کہ بیئپار دوست ءِ معاشی پالیسی،گہبودی ءُُ ایز آف ڈوئنگ بزنس ءِ ھوالہ چہ سازگار ماحول ءِ بدولت ءَ میاں اوستمانی سرمایہ کار پاکستان نیمگا چارگ انت۔آہاں گوشت کہ مئے درستاں چہ مستریں مڈی ڈن ملک ءَ نشتگیں پاکستانی انت ہمہ کہ ملک ءِ تہ ترسیلات ءَ دیم دیگ انت ایشی ءَ چہ معیشت ءِ پرگ ھلگ انت۔مزن وزیر ءَ گوشت کہ مئے ورناہیں آباتی ءُُ ھاسکر تعلیم یافتہ ءُُ ہنرمند ورناہ ھاسیں دلگوشی ءِ حقدار انت ءُُ حکومت آہاں را ہنرمند ءُُ باروزگار جوڈ کنگ ءِ ھاترا ھاسیں مراگش ءَ بناء کتگ ات۔آہاں گوشت کہ پاکستان ورک فورس قطر ءِ جوڈ ءُُ جاڑی ءُُ دیمروئی ءِ تہ ھاسیں کرد ادا کنگ انت۔گند ءُُ نند ءِ تہ قطر ءِ تہ پاکستانی ہنر مند ءُُ تعلیم یافتہ ورناہانی ھاترا نوکریانی موہ ءِ سرا سرجمیں ھیال ریچی کنگ بوتگ۔
