سپیکر قومی اسمبلی اسد قیصرءِ سروکی ءَ غازی بروتھا اثرمندانی بحالی ءُُ آہانی تاوان ءِ ھلاسی ءِ ھاترا چار ءُُ ٹپاسی دیوان

اسلام آباد۔ 27 جنوری (اے پی پی) سپیکر قومی اسمبلی اسد قیصر ءَ گوشت کہ صوابی ءِ مہلوک ءِ تاوان ءِ ھلاسی ءِ ھاترا ءُُ آہانی بحالی ءِ ھاترا ھاسیں گامگیج زورگ حکومت ءِ اولی دلگوشی انت،مہلوک ءِ سیل ءُُ سوادی ءِ پراھی ءِ ھاترا پبلک پرائیویٹ پارٹنر شپءِ ردا زوت واٹر پارک ءِ سرا کار بندات کنگ بیت۔اے ھیالانی درشان آہاں دوشمبے ءَ غازی بروتھااثرمندانی بحالی ءُُ آہانی نقصان ءِ ھلاسی ءِ ھاترا پارلیمنٹ ہاوس ءِ تہ مزن تکی چار ءُُ تپاسی دیوان ءِ سروکی کنان ءَ کتگ۔دیوان ءِ تہ بنجاہی وزیر عمر ایوب ءُ مزن وزیر ءِ موسمی بدلی ءِ صلاحکار ملک امین اسلم ھم ساڑی اتنت۔دیوان ءِ تہ غازی بروتھا ءِ اثرمندانی تاوان ءِ سرا ھساب ءُُ کتاب جنئگ ءِ ھاترا جائزگ سٹڈی کنائینگ ءِ پیسلہ کنگ بوتگ۔اے درگت ءَ سپیکر قومی اسمبلی اسد قیصر ءَ گوشت کہ آپ نہ بوھگ ءِ سبب ءَ ھندی مردمانی روزگار ھلاس بوتگ۔دمگ ءِ مزنیں کساس ماہی گیری ءَ گوں بندوک ات،اثرمندانی مستریں جیڈھ روزگار انت۔آہاں گوشت کہ منءَ اودی مہلوک ءَ گچین کرتگ۔اثرمندانی کمک ءِ ھاترا ہرممکن کوشست کنیں۔آہاں گوشت کہ راجی مکسد ءِ ھاترا صوابی ءِ مہلوک ءِ نیمگا چہ داتگیں قربانی ناقابل فراموش انت، صوابی ءِ مہلوک ءِ تاوان ءِ ھلاسی ءُُ آہانی بحالی ءِ ھاترا ھاسیں گامگیج زورگ حکومت ءِ اولی دلگوشی انت۔ اسد قیصر ءَ گوشت کہ مہلوک ءِ ھاترا سیل ءُُ سوادی ءِ پراھی ءِ ھاتراپبلک پرائیویٹ پارٹنر شپ ءِ ردا زوت واٹر پارک ءِ سرا کار بندات کنگ بیت۔آہاں ہمگرنچیں واکداراں را کڈنی داتگ کہ اثرمندانی تاوان ءِ ھلاسی ءِ ھاترا جائزگ سٹڈی ءَ زوت سرجم کنگ بیت۔(ن۔ا۔ج)