اسلام آباد۔ پاکستان ءِ تہ ملائیشیا ءِ ہائی کمشنر اکرام محمد ابراہیم ءَ دوشمبے ءَ ادا بنجاہی وزیر توانائی عمر ایوب خان ءُُ مزن وزیر ءِ ھاسیں کمکار برائے پیٹرولیم ندیم بابر ءِ گوما گند ءُُ نند کتگ۔ ملائیشیا ءِ ہائی کمشنر ءَ آہاں را مزن وزیر عمران خان ءِ ملائیشیا ءِ تروتاب ءِ ھوالہ چہ اودا کتگیں تیاری ءَ چہ سرپد کتگ۔بنجاہی وزیر توانائی ءُُ مزن وزیر ءِ ھاسیں کمکار برائے پیٹرولیم ءَ گوشت کہ ملک ءِ تہ توانائی ءِ شوبگ ءِ تہ آسراتی ودی کنگ ءِ ھوار کوکا ءِ گہترکاری کنگ بوھگ انت۔ آہاں ملائیشیا ءِ سرمایہ کارءَ را پاکستان ءِ تہ تیل ءُُ گیس ءِ پولگ ءِ بلاکسءِ تہ نیلامی ءَ بھر زوری کنگ ءِ دعوت داتگ۔اولی بھرءِ تہ 18 بلاکس ءِ نیلامی کنگ بوھگ انت۔مزن وزیر ءِ ھاسیں کمکار ءَ او جی ڈی سی ایل، پی پی ایل ءُُ ماڑی پٹرولیمءِ شیئرز ءِ زورگ ءِ تہ ملائیشیا ءِ کمپنی پیٹروناس ءِ ھواری ءَ چہ آہاں را دعوت داتگ۔آہاں پیٹروناس ءَ را پاکستان ءِ تہ ایل این جی ءِ بنیاتی کوکا ءِ دیمروئی ءِ تہ ھم بھرزوری ءِ دعوت دتگ ءُُ گوشت ا کہ ملائیشیا ءِ سرمایہ کار ایل پی جی ءُُُ ریفائنریز ءِ اپ گریڈیشن وڈیں تک ءَ چہ ھم نپ چست کت کن انت۔

متعلقہ مضامینمصنف کی طرف سے مزید