اسلام آباد۔ 27 جنوری (اے پی پی) ملک اٹی انفارمیشن ٹیکنالوجی و ٹیلی کمیونیکیشن نا بشخ آتے ٹی براہ راست درملکی زرکاری ٹی نمان ودکی ریکارڈ کننگا۔ زرکاری بورڈ و سٹیٹ بینک آف پاکستان نا حساب وکتاب نار داٹ جولائی آن ہلیس دسمبر 2019 ء نا وخت اٹی انفارمیشن ٹیکنالوجی و ٹیلی کمیونیکیشن نا بشخ آتے ٹی 432 ملین ڈالر نا براہ راست درملکی زرکاری ریکارڈ کننگانے۔ جاری مالی سال اٹی دا بشخ اٹی تدوک آ مالی سال انا مقابلہ ٹی ودکی نظر بسنے۔ مالی سال 2018-19 ء ٹی آئی ٹی و ٹیلی کام نا بشخ آتے ٹی جم وڑاٹ 55.7 ملین ڈالر نا براہ راست درملکی زرکاری ریکارڈ کننگانے۔ زرکاری بورڈ انا کمامدارآتارداٹ مالی سال انا ایسر آ دا بشخ آتے ٹی براہ راست درملکی زرکاری ٹی پین ودکی نا گمان ءِ۔ مالی سال 2017-18 ء ٹی آئی ٹی و ٹیلی کام نا بشخ آتے ٹی 375.5ملین ڈالر نا براہ راست زرکاری ریکارڈ کننگاسس وخت اس کہ سال 2016-17 ء ٹی آئی ٹی و ٹیلی کام نا بشخ آتے ٹی براہ راست درملکی زرکاری نا کچ 1.069 ارب ڈالر ریکارڈ کننگاسس۔
