لاہور۔ 26 جنوری (اے پی پی) مزن وزیر عمران خان ءَ گوشت کہ دیمروئی کارانی ھوالہ چہ ہچ دمگ ءَ نظر انداز مہ کنگ بیت،اسمبلی باسکاں وتی حلقہ ءِ تہ مہلوک ءَ گوں نزیکی رابطہ ایر کن انت ءُُ آہانی جیڈھ ءَ را ترجیحی بنیاتاں حل کنگ کنگ بہ بیت،مئے منشور ءِ بنیاتی چیز کرپشن ءِ ھلاسی انت،مروچی دگنیا پاکستان ءَ را سرمایہ کاری ءِ ھوالہ چہ پُرکشش ملک ءِ وڈ ءَ چارگ انت۔مزن وزیر میڈیا کارگس ءَ چہ جاڑی بیان ءِ ردا یک شمبے ءَ مزن وزیر عمران خان ءِ گوما پنجاب ءَ چہ گچین اسمبلی باسکاں گند ءُُ نند کرتگ۔اے موہ ءِ سرا مزن وزیر ءَ گوشت کہ شمے گوما گند ءُُ نند ءِ مکسد شمے حلقہ ءِ تہ مہلوک ءَ را دیم جیڈھ ءُُ دیمروئی منصوبگانی سرجمیءِ ھوالہ چہ جنجالانی ھلاسی ءُُ آہانی حل ءِ ھاترا پنت ءُُ شون جاڑی کنگی انت۔آہاں گوشت کہ اسمبلی باسک وتی حلقہ ءِ تہ مہلوک ءَ را دیم چاگردی ءُُ دیمروئی جیڈھ آنی حل ءِ باروا سرپد کتگ۔مزن وزیر عمران خان ءَ صوبائی حکومت،ھاسیں وڈ ءَ انتظامیہ ءُُ گچین نماھندگانی میان ءَ یک سوگو ءُُ شریں میکنزم ءِ ارزشت ءِ سرا زور مان کتگ ءُُ اے ھوالہ چہ صوبائی حکومت ءَ را پنت ءُُ شون جاڑی کتگ ات۔
