ھالرسانی ءُُ شنگکاری ءِ ھاسیں کمکار ڈاکٹر فردوس عاشق اعوان ءِ عوامی جمہوریہ چین ءِ سال نو ءِ موہ ءِ سراچینی مہلوک ءَ را دلی مراد بات

اسلام آباد۔ 25 جنوری (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ عوامی جمہوریہ چین ءِ نوکیں سال ءِ موہ ءَ چینی مہلوک ءَ را دلی مراد باتی پیش کنان ءَ گوشت کہ نوکیں سال ءِ تہ پاکستان ءُُ چین ءِ سیادی گیش مھکم بوھگ انت۔ڈاکٹر فردوس عاشق اعوان ءَ ھپتگ ءَ چاگردی ویب سائٹ ءِ سرا یک ٹویٹ کلوھ ءِ تہ گوشت کہ چین ءِ دوستی پاکستان ءِ مستریں مڈی انت۔آہاں گوشت کہ چین پاکستان اقتصادی راہداری (سی پیک) منصوبگ دوئیں ملکانی لازوال دوستی ءِ پدریں مثال انت۔ڈاکٹر فردوس عاشق اعوان ءَ گیش گوشت کہ اقتصادی راہداری ءِ دومی بھر ءِ بنگیجی بوتگ انت ایشی ءِ ردا ھاسیں زونز ہڈ دیگ بنت،اے زون برآمدی تک ءِ مھکمی،سوگو ءِ معاشی دیمروئی ءِ زورگ ءُُ ھندی صنعت ءِ پراھی ءِ سبب بہ بیت۔ھاسیں کمکار ءَ گوشت کہ چین ءَ آزمائش ءِ ہمک وھد ءَ پاکستان ءَ گوں کمک کرتگ۔ ڈاکٹر فردوس عاشق اعوان ءَ گوشت کہ چین ءَ کشمیر ءِ جیڈھ ءِ سرا دوٹوک موقف ءِ پلہ مرزی کتگ ءُُ چین ءُُ پاکستان ءِ دوستی دوئیں ملکانی مہلوک ءِ تہ مہر ءُُ محبت ءُُ بھائی بندی ءِ مزنیں مثال انت۔