مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردووس عاشق اعوان ءِ برطانوی ہائی کمشنر ڈاکٹر کرسچن ٹرنر ءِ گند ءُُ نند

اسلام آباد ۔ 24 جنوری (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوں پاکستان ءَ برطانوی ہائی کمشنر ڈاکٹر کرسچن ٹرنر ءَ گند ءُُ نند کت ایشی ءِ تہ ءَ آئی ءَ برطانیہ ءَ پاکستان ءِ واستہ وتی ;34;ٹریول ایڈوائزری;34; مٹ کنگ ءِ جار جتگ، ایشی ءَ چہ دوئیں ملک آں ی نیام ءَ سفر ءُُ روگ ءُُ آیگ ءِ تہ ءَ گیشی بیت ۔ آئی ءَ گوشت کہ من یونیسکو ءِ جاھ آنی تر ءُُ تاب ھم کتگ بلے پاکستان ءِ سیل ءُُ سواد ءِ ازم ءُُ شررنگی ءَ را چاران ءَ ابکہ بوتگ آں ، پاکستان ءَ ایمنی ءِ جاور ھال گہتر انت مزن وزیر عمران خان ءِ سروکی ءَ استیں حکومت ءَ را ایشی ءِ کریڈٹ روت ۔ مزنو زیر ءِ ھاسیں کمکار فردوس عاشق اعوان ءَ برطانوی حکومت ءِ پیسلہ ءِ توسیپ کت ءُُ ایشرا دو نیمگی یکوئی آناں گیش ودینگ ءُُ پاکستان ءَ سیل ءُُ سواد آناں دیمروئی دینگ ءِ واستہ ارزشتی نامینت ۔ آئی ءَ گوشت کہ پاکستان نوں ایمنی ءُُ جوانیں جاور ھال آنی گوما دگنیا ءِ واستہ پچیں ملک ات ۔ ڈاکٹر فردوس عاشق اعوان ءَ پاکستان ءِ جان سلامتی ءُُ چاگردی شوبگ آناں دیمءَ جنزینگ ءَڈی ایف آئی ڈی ءِ کرد ءَ را ساڑات ۔ دیوان ءَ سیکرٹری اھوالکاری ءُُ شنگ کاری اکبر درانی ءُُ وزارت ءِ اھوالکاری ءُُ شنگ کاری ءِ ایندگر کارندہ ھم اے موہ ءِ سر ءَ ساڑی اتنت ۔