اسلام آباد ۔ 24 جنوری (اے پی پی) جاپان ءِ سینئر نائب وزیر برائے درئی کار کناسوجی کین جی ءَ آدینگ ءِ روچ ءَ ٹیکسلا میوزیم ءُُ کدیمی جاھ آنی تر ءُُ تاب کت ۔ آئی ءَ ٹیکسلا ءَ کدیمی گندھارا سویلائیزیشن ءِ دود ءُُ ربیدگی مڈی ءَ را سک باز ساڑات ءُُ گوشت کہ اے سیل ءُُ سوادی مردم آنی واستہ سک باز جوانیں جاھ ات ۔ آئی ءَ گوشت کہ جاپان ءِ حکومت دود ءُُ ربیدگی مڈی آناں ارزشت دنت، اے رد ءَ پاکستان ءِ گوما کمک ءَ جاڑی دار آں ۔ جاپانی حکومت ءِ کمک پاکستان ءَ مزن وزیر عمران خان ءِ وژن ءِ رد ءَ نیک راھی سیل ءُُ سواد ءِ دیمروئی ءَ کمکار سہرا بنت ۔
