وزیراعظم عمران خان تون ڈیووس اٹی ترک کمپنی دوغان ہولڈنگز نا چیئرپرسن دوغان فرالیالی نا اوڑدہی

ڈیووس۔ 24جنوری (اے پی پی) وزیراعظم عمران خان تون ورلڈ اکنامک فورم 2020ء نا دیوان اٹی دوغان ہولڈنگز نا چیئرپرسن دوغان فرالیالی اوڑدہی کرینے۔ داوخت آ وزیراعظم نا خصوصی کمکار سید ذوالفقار عباس بخاری، زرکاری نا عمومی سفیر علی جہانگیر صدیقی، جنیوا اقوام متحدہ ٹی پاکستان نا آخبتی مندوب خلیل ہاشمی ئسک ہم ساڑی ئسر۔ وزیراعظم عمران خان پارے کہ پاکستان نا زرگزران زرکارآتے پرکشش وارخواہی فراوان کیک۔ اوپارے کہ حکومت زرکاری نا آسراتی کن اصلاحات نا ایجنڈا غا عمل کننگ ءِ و حکومت پاکستان اٹی ہروڑنا کاروباری کن ہروڑنا ممکنہ کمک فراوان کیک۔ وزیراعظم مستی پارے کہ پاکستان ءِ گچین قدرتی وسیلہ غاتے تننگانے، ہراڑے زرکاری نا بھلو وارخواہی اس ارے۔ اودوغان ہولڈنگز ءِ پاکستان اٹی توانائی و سیل و سوات نا بشخ آتے ٹی زرکاری نا سلہ خلک۔ دوغان ہولڈنگز نا چیئرپرسن مس دوغان فرالیالی پاکستان اٹی اصلاحات نا ایجنڈا نا ستاءِ کرے و پاکستان اٹ چندی باصلاحیت بشخ آتے ٹی زرکاری نا است خواہی نا درشانی ءِ کرے۔ یات سلے کہ دوغان ہولڈنگز نا شمار ترکی نا بھلا کمپنی تیٹی مریک، ہراتوانائی، میڈیا، صنعت، انشورنس و سیل و سوات نا بشخ آتے ٹی کاریم کننگ ءِ۔