وزیر ءِ درئی کار مخدوم شاہ محمود قریشی ءِ زوتیں گامگیج ءِ پد ءَ 12 سالی اوگان زھگ ءَ را علاج ءِ واستہ ویزہ رست

اسلام آباد۔ 24 جنوری (اے پی پی) سوشل میڈیا ءِ سر ءَ کمک ءِ اپیل ءُُ ایشی ءِ نتیجگ ءَ وزیر ءِ درئی کار مخدوم شاہ محمو قریشی ءَ زوتیں گامگیج آنی سبب ءَ اوگانستان ءَ گوں سیادی داروکیں 12سالی سیرت اللہ وردک ءِ علاج ءِ واستہ ویزہ رست۔ وزارت ءِ درئی کار ءِ نیمگ ءَ آدینگ ءِ روچ ءَ جاڑی بوتگیں یک بیانے ءِ روچ ءَ گوشگ بوت کہ ڈاکٹر آنی پنت ءُُ شون ءُُ شون ءِ تہءَ 12 سالی اوگان زھگ سیرت اللہ وردک ءَ را علاج ءِ واستہ پاکستان ءَ آیگی ات، زھگ ءِ سیاد ءُُ وارس آں بنی آدمی ھک آنی بنیات ءَ سوشل میڈیا ءِ وسیلگ ءَ وزیر ءَ درئی کار ءَ چہ ویزہ ءِ بنگیج ءِ واستہ کمک کنگ ءِ اپیل کتگ ات ایشی ءِ نتیجگ ءَ وزیر ءِ درئی کار ءَ ھاسیں پنت ءُُ شون ءِ پد ءَ زھگ ءَ را زوتیں رد ءَ ویزہ جاڑی کت۔ سیرت اللہ سردک ءَ ویزہ جاڑی بوھگ ءَ چہ پد دل وشی ءِ درشان کنگ ءِ واستہ سوشل میڈیا ءَ یک ویڈیو کلوہے ھم شنگ ءُُ تالان کتگ۔