ایران پاکستان گیس پیپ لین ڈٹ ایران آ امریکی پابندی تا سوب آن سلوک ءِ، بنجائی وزیر توانائی عمر ایوب نا ایوان بالا ٹی ورندی

اسلام آباد۔ 24جنوری (اے پی پی) سینیٹ ءِ پاننگانے کہ ایران پاکستان گیس پیپ لین ڈٹ امریکہ نا کنڈآن ایران آ پابندی تا سوب آن سلوک ءِ، کاریم ءِ پابندی تا چٹفنگ تون مشروط کننگانے۔ جمعہ نادے آ ایوان بالا ٹی سینیٹر طلحہ محمود، عبدالقیوم و ایلو باسک آتا سوج آتا ورندی ٹی بنجائی وزیر توانائی عمر ایوب پارے کہ ایران پاکستان گیس پیپ لین ڈٹ ایران آ امریکہ نا پابندی تا سوب آن سلوک ءِ۔ پاکستان ڈٹ انا تیاری کن اہم سرجزآتے پورو کرینے۔ اوپارے کہ ساڑی ٹی اسہ اولیتی معاہدہ اس کننگانے تانکہ ہڑتوم آ کڑدہ غاتے پین پنچ سال نا وخت تننگ مرے ولے پین پیش رفت امریکی پابندی تا چٹفنگ تون مشروط ءِ۔