اسلام آباد۔ 24جنوری (اے پی پی) سی پیک اتھارٹی نا ترجمان پارینے کہ ہڑتوم آ ملک آک بے مٹ سنگتی نا کمک اٹ چین پاکستان اقتصادی راہداری (سی پیک) نا برخلاف دشمن تا ناپاک عزم آتے سرسہب مننگ کن الیپسہ۔ جمعہ نادے آ داکان جاری اسہ بیان اسے ٹی سی پیک اتھارٹی نا ترجمان پارے کہ چین و پاکستان ءِ تینا حریف آتا کنڈآن تالان کروک آ پروپیگنڈا نا توننگ کن سی پیک آن بیدس ایلو غٹ بشخ آتے اٹ خاص وڑاٹ دفاعی و جہانی تعلقات عامہ ٹی ہم تین پہ تینی کمکاری ءِ پین مون آ دننگ نا گرج ءِ۔ ہڑتوم آ ملک آک ہڑتوم آ کنڈآتا بے مٹ سنگتی نا کمک اٹ تینا اسیجا دشمن آتا ناپاک عزم آتے سرسہب مننگ کن الیپسہ۔ سی پیک نا رداٹ تدوک آ پنچ سال اٹی چندی ڈٹ آتے پورو کننگانے و چندی تیا کاریم ترندی اٹ برجاءِ ہرا اینخو نا سال پورو کننگرہ۔ پورو مروک آ ڈٹ آتیان داوخت اسکان 75 ہزار پاکستانی تے روزگار نا وارخواہی دوبسنے۔

متعلقہ مضامینمصنف کی طرف سے مزید