اسلام آباد۔ 24جنوری (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتے ٹی موسم یخ و پِرکپک ولے قطبی بلوچستان، بڑزکوخیبر پختونخوا، گلگت بلتستان، اسلام آباد، کشمیر و اوڑتون ایب و کیب انا مشی آ علاقہ غاتے ٹی جمری مننگ تون گڑاس ہند آتیا شام /نن اٹ پڑی پڑی پِر و مش تیا برف انا گمان ءِ۔ رپورٹ نا رداٹ تدوک آ 24گھنٹہ ٹی ملک انا گیشتر علاقہ غاتے ٹی موسم یخ و خشک وخت اس کہ قطبی علاقہ غاتے ٹی بھاز یخ ئس۔ جمعہ نادے آ ریکارڈ کروک آ کم آن کم درجہ حرارت نا رپورٹ نا رداٹ اسکردو ٹی درجہ حرارت منفی 22، بگروٹ منفی 13، استور منفی 12، پاراچنار، گوپس، کالام منفی 11، گلگت منفی 5 و راولاکوٹ اٹ منفی 4 ڈگری سینٹی گریڈ ریکارڈ کننگانے۔
