کوءٹہ ۔ 23جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ہمسایہ ملک آتا پاکستان ءِ نزور کرسا امن و ایمنی ءِ نسخان سرکننگ نا سازش ءِ بلوچستان نا الس حکومت و سیکورٹی فورس آتون اواری اٹ قومی جوزہ اتون اواری اٹ چٹفینن، وزیراعظم عمران خان نا دوٹوک موقف ءِ کہ پاکستان ڈیہہ ٹی جنگ آتے ٹی بشخ ہلپک و تینا وتواجہی و قومی فائدہ غاتے ایلو فتا فائدہ کن اسل قربان کپک ، بنجائی حکومت برف و پِر تیان بلوچستان نا چندی ضلع غاتے ٹی زوال کروک آ 20 بندغ آتے کن پنچ لکھ، 23ٹھپی تے پنجا ہزار وخت اس کہ زہمی 173ہند آتا بحالی کن فی اُراءِ پنجا ہزار روپئی زہمی تے تننکگ، 72سال انا ویل و چیلنج آتے 15 تُو اٹی چٹفنگ مفک ، وزیراعظم عمران خان نا کماشی ٹی بلوچستان تون مستین اٹی مروک آ نا انصافی تے چٹفسا ہر مرحلہ غا انصاف نا فراوانی ءِ پک کینہ، بنجائی حکومت پورو قوت اتون تینا سیوتی جماعت و وزیراعلیٰ بلوچستان جام کمال تون سلوک ءِ ، داہیت ءِ او پنچ شنبے نادے آ کوءٹہ پریس کلب نا دورہ ءِ کننگ نا وخت آ پریس کانفرنس آن تران کرسا کرے ۔ داوخت آ پاکستان فیڈرل یونین آف جرنلسٹ نا صدر شہزادہ ذوالفقار احمد زئی، ڈپٹی اسپیکر بلوچستان اسمبلی سردار بابر خان موسیٰ خیل، ترجمان حکومت بلوچستان لیاقت شاہوانی ، صدر کوءٹہ پریس کلب رضاء الرحمان ، ڈائریکٹر جنرل نظامت تعلقات عامہ شہزادہ فرحت ، ڈائریکٹر پریس انفارمیشن ڈیپارٹمنٹ کوءٹہ عبدالمنان و پاکستان تحریک انصاف نا راہشون آصف خان ترین و ادریس بڑیچ ئسک ہم ساڑی ئسر، وزیراعظم پاکستان نا خصوصی کمکار حوالکاری و شین کاری ڈاکٹر فردوس عاشق اعوان پارے کہ بھارت بلوچستان اٹی نیام تمسا امن ءِ بھس کننگ خواہک صوبہ نا احساس محرومی تے چٹفنگ گچین مروک آ حکومت نا اولیت ءِ صوبہ نا امن کن سیکورٹی فورس آک حکومت صحافی و الس بھلو کچ اسے ٹی قربانی تسنو ۔ وزیراعظم عمران خان بلوچستان نا شونداری ءِ پاکستان نا شونداری گوندک ۔ بنجائی حکومت صوبہ نا شونداری کن ہم کوپہ ءِ ۔ ویل و 70 سال انا چیلنج آتے منہ تُو اٹی چٹفنگ مفک ۔ بلوچستان اٹی پاکستان نا فوج، سیکورٹی ادارہ حکومت و الس اواری اٹ امن دشمن تے پبی ورندی تسنو ۔ ڈاکٹر فردوس عاشق اعوان پارے کہ وزیراعظم نا پارت آ صوبہ نا برف و پِر آن زہمی علاقہ غاتا سرجم دورہ ءِ کرینے، این ڈی ایم اے صوبائی حکومت تون اواری اٹ برف و پِر تیان زوال کروک آ 20 آن ہر بندغ نا خاہوت ءِ پنچ لکھ روپئی ، وخت اس کہ 23ٹھپی تیان ہر ٹھپی ءِ پنجا ہزار روپئی نامالی کمک فراوان کیک، خصوصی کمکار ڈاکٹر فردوس عاشق اعوان پارے کہ گوادر انٹرنیشنل بالی پٹ، مکران اٹی شاہراہ، ووکیشنل سینٹرز و ایلو ڈٹ آتے کن 740 ملین ڈالرز تخان ڈٹ ءِ گوادر اٹ بناکننگانے ٹیچنگ، ہسپتال ، نرسنگ ہسپتال و ووکیشنل انسٹیٹیوٹ جوڑ کننگ انگ ءِ، پاکستان نا مسٹ میکو بھلا بالی پٹ ءِ گوادر اٹ جوڑ کننگ انگ ءِ، وزیراعظم عمران خان بلوچستان نا دورہ ٹی 65ارب روپئی نا خڑچ انا دیکی روٹ انا ژوب کچلاک سیکشن، 17 ارب روپئی نا خڑچ آن مکران کرک کن ٹرانسمیشن لین تالان کننگ، 23 ارب روپئی نا خڑچ انا نیو گوادر انٹرنیشنل بالی پٹ ہسپتال و ووکیشنل انسٹیٹیوٹ نا بنداو ءِ تخا ۔ اینخو نا سال گوادر ہسپتال و گوادر ووکیشنل ٹریننگ سینٹر آ کاریم نا بناءِ کننگک، گوادر بندرگاہ ءِ کوسٹل ہائی وے تون گنڈنگ کن ایکسپریس ہائی وے آ ترندی اٹ کاریم برجاءِ ۔ وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان بلوچستان اٹی فرض انا انجام تننگ اٹ شہید مروک آ چِل آن زیات صحافی تے خراج تحسین پیش کرسا پارے کہ کوءٹہ ٹی صحافی تا ہنکینی کالونی ٹی اولیکو بلاک شہداء بلاک نا پن اٹ شہید مروک آ صحافی تا خاہوت آتے کن مریک ۔ اوپارے کہ کوءٹہ پریس کلب ءِ سولرائزیشن نا کنڈادینہ تانکہ بجلی نا بچت تون بجلی نا مد اٹ بل آتا زرتس نا پیسہ غاتے صحافی تا راجی آسراتی آ خڑچ مننگ کیر و بنجائی حکومت کوءٹہ پریس کلب نا انتظامیہ تون اواری اٹ بلوچستان نا صحافی تے جان جوڑی کارڈ فراوان کینہ وخت اس کہ ایلو صوبہ غاتیانبار کوءٹہ ٹی صحافی کالونی نا جوڑ کننگ صوبائی حکومت نا زمواری ءِ ، وزیراعلیٰ جام کمال نا کمک اٹ دا تغ ءِ پورو کینہ و صحافی کالونی ٹی شہداء بلاک نا پن اٹ تینا جان تا نذرانہ ءِ پیش کروک آ کوءٹہ نا صحافی تا خاہوت ءِ ادا کننگک، وزیراعظم پاکستان نا خصوصی کمکار حوالکاری و شین کاری ڈاکٹر فردوس عاشق اعوان پارے کہ بلوچستان نا چندی ضلع غاتے ٹی گیس پریشر نا کمتی ءِ مر کننگ کن صوبہ نا بشخ اٹی 10 درسد ودکی گیس وخت اس کہ ایل پی جی نا کوٹہ ءِ ہم 20 درسد ودفنگانے بلوچستان نا 72سال انا احساس محرومی تے 15 تُو اٹی مر کننگ مفک ۔ اسہ سوج اسے نا ورندی ٹی وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارے کہ بنجائی حکومت پورو واک اتون وزیراعلیٰ بلوچستان جام کمال تون سلوک ءِ ، ریاست نا بیانیہ قومی فائدہ و امن ءِ مون آ دننگ اٹ کوءٹہ پریس کلب کلیدی کڑد ادا کننگ ءِ، کوءٹہ پریس کلب نا شہید آتے خراج تحسین پیش کیوہ ۔ کنے اومیت ءِ کہ بلوچستان نا صحافی برادری ہندا جوزہ حب الوطنی ءِ مون آ دیرہ ۔ اوصحافی برادری ناخواست آکوءٹہ پریس کلب اٹ انفارمیشن سینٹر اس جوڑ کننگ نا ہم پڑو ءِ کرے ۔ داوخت آ ترجمان حکومت بلوچستان لیاقت شاہوانی وزیراعظم عمران خان نا بلوچستان تون دلی لگاءو و فراخدلانہ کمکاری آ ڈاکٹر فردوس عاشق اعوان و بنجائی حکومت نا منت واری ءِ ہرفسا پارے کہ بلوچستان عوامی پارٹی نا سروک وزیراعلیٰ بلوچستان جام کمال خان و وزیراعظم عمران خان ہڑتوم آک نظریاتی پارٹنر ءُ ہرا کرپشن نا چٹفنگ و ملک صوبہ نا شونداری کن اسہ پنہ غاٹو ۔ وزیراعظم عمران خان وزیراعلیٰ جام کمال نا خواست آ کوءٹہ کراچی شاہراہ ءِ دورویہ کننگ نا خواست آ بنجائی پی ایس ڈی پی ٹی شاغانے، و دانا اسٹڈی رپورٹ نا کاریم نا بنامسنے ۔
