پاکستان ءَ 1953ءَ چہ کمپنی ءِ بنگیج ءُُ درج بُریں بندوکی ءَ را ساڑات
مزن وزیر ءِ کمپنی ءَ را ھاٹیگ ، سیل ءُُ سواد ءُُ میزبانی ءِ شوبگ ءَ سرمایہ کاری ءِ سر ءَ چار ءُُ بچار کنگ ءِ دعوت
ڈیووس ۔ 23 جنوری (اے پی پی) مزن وزیر عمران خان ءَ گوں کے او سی ہولڈنگز ءِ چیف ایگزیکٹو لیونٹ کیکیرورگلو ءَ میاں اوستمانی فورم ءِ ھمک سالی دیوان 2020 ءِ موہ ءَ گند ءُُ نند کت ۔ مزن وزیر ءِ ھاسیں کمکار سید ذولفقار عباس بخاری ، سرمایہ کاری ءِ واستہ سفیر عمومی علی جہانگیر صدیقی، گورنر سٹیٹ بینک رضا باقر ءُُ جنیوا ءَ یونائیٹڈ نیشن ءِ واستہ پاکستان ءِ سفیر خلیل ہاشمی ھم اے موہ ءِ سر ءَ ساڑی ات ۔ مزن وزیر عمران خان ءَ پاکستان ءَ 1953ءَ چہ کمپنی ءِ استی ءُُ دراج بریں بندوک بوھگ ءَ را ساڑات ۔ مزن وزیر ءَ گوشت کہ 1960ءَ چہ پد استیں حکومت ءَ اولی رند ءَ صنعتی دیمروئی ءَ را وتی ترجی آنی تہءَ ھوار کتگ ءُُ ما بلدکاری ءِ دیمروئی ، ٹیکنالوجی ءِ ٹرانسفر ءُُ اقتصادی دیمروئی ءِ واھشت ایگ آں ۔ مزن وزیر ءَ کے او سی ءِ ھاٹیگ، سیل ءُُ سواد ءُُ میزبانی ءِ شوبگ ءَ سرمایہ کاری ءِ سر ءَ چار ءُُ بچار کنگ ءِ دعوت دات ۔ کے او سی ہولڈنگز ترکی ءِ درستاں چہ مستریں کمپنی انت، ایش ھاٹیگ، آٹو موٹیو، فنانس، سیل ءُُ سواد، ریٹیل، جوڑیشت، شپنگ، دیمپانی، انفارمیشن ٹیکنالوجی ءُُ وردن ءُُ وراک ءِ شوبگ ءَ وتی سامان آنی رد ءَ نامدار انت ۔
