اسلام آباد ۔ 23 جنوری (اے پی پی)پاکستان ءَ چین پاکستان اقتصادی راہداری منصوبگ ءِ ھوالگ ءَ وام ءُُ لس مالی کمک ءِ ھوالگ ءَ گپ ءُُ بٹاک آناں دروگ نامینتگ ءُُ گوشتگ کہ سی پیک ءِ ھواریں وام آنی کساس 4ارب 90کروڑ ڈالر انت ایش ملکی توا میں وام آنی 10درسد ھم نہ بنت، چین مئے جوانیں دوستیں ملک ات، سی پیک پاکستان ءِ واستہ جوانیں مٹ ءُُ بدلی ءِ منصوبگ ءُُ اے منصوبگ ءِ سرءَ ترندی ءَ گوں سرجمی مئے اولی ترجی داتگیں کار انت ۔ پنچ شمبے ءِ روچ ءَ ھمک ھپتگی بریفنگ ءِ ساھت ءَ ترجمان درئی کارانی کارگس عائشہ فاروقی ءَ سی پیک ءِ ھلاپ ءَ امریکی سفیر ایلس ویلز ءِ استیں ریمارکس آناں رد کتگ ایشی ءِ تہ ءَ گوشگ بوتگ ات کہ سی پیک مُدام وام یا ریاستی زامنی ءِ گوما لس کمکی ریشگ آں گوں بندوک انت ۔ ترجمان ءَ گوشت کہ سی پیک ءِ ھواریں وام 4ارب 90کروڑ ڈالر انت ایش ملکی سرج میں وام آنی 10درسد ھم نہ انت ۔ ترجمان ءَ گوشت کہ سی پیک دراج بُریں منصوبگ انت، اے منصوبگ ھاٹیگ ، انفراسٹرکچر، انڈسٹرلائزیشن ءُُ روزگار ءِ موہ پیداک کنگ ءَ پاکستان ءِ واستہ کمکار سہرا بوتگ ۔ اے منصوبگ ءِ پاکستان ءِ الس ءُُ چاگردی ءُُ اقتصادی دیمروئی ءِ واستہ بے کچ ءُُ کساسی سیت بیت، ما اے گپ ءِ سر ءَ ھم دل یکیم آں کہ اے منصوبگ دمگی رابطہ ءُُ وشھالی ءِ واستہ ھم سیت مند انت ۔ ترجمان ءَ گوشت کہ سی پیک ءِ ترندی ءَ گوں سرجمی مئے اولی ترجی داتگیں کار انت ۔ اے موہ ءُُ مراد آنی در جنگ ءِ واستہ انوں زوتاں سی پیک اتھارٹی ءِ جوڑیشت کنگ بوتگ ۔ ترجمان ءَ گوشت کہ سی پیک ءِ چیر دستی ءَ 12پاور منصوبگ ءِ سرجمی بوتگ یا سرجمی بوھگ ءِ سیم سر آں سر انت ۔ ترجمان ءَ گوشت کہ پاکستان وتی ڈیٹرنس ءَ را دل یکیمی جوڑ کنگ ءِ واستہ ٹیکنالوجی ءِ جوانیں ازم ءَ دار ایت ۔
