اسلام آباد ۔ 23 جنوری (اے پی پی) وزیر دفاع پرویز خٹک ءَ گوشت کہ ورنائیں باھند پاکستان ءِ گران بھائیں مڈی انت، خیبر پختونخوا، فاٹا ءُُ بلوچستان ءِ دور ءُُ گستائیں دمگ آنی ورنا آناں ’’ کامیاتیں ورنا پروگرام‘‘ ءِ تہءَ ترجی دیگ بیت ۔ آ پنچ شمبے ءِ روچ ءَ ھاسیں کمار برائے ورنا آنی کار عثمان ڈار ءَ گوں گند ءُُ نند ءِ ساھت ءَ تران کنگ ءَ انت ۔ ھاسیں کمکار عثمان ڈار ءَ اے موہ ءِ سر ءَ کامیاتیں ورنا پروگرام ءِ ھوالگ ءَ کار ءُُ جیڈھ آنی سر ءَ بریفنگ دات ۔ وزیر ء، دیمپانی پرویز خٹک ءَ گوشت کہ ورنا آناں جوانیں زانشت ءُُ کزبی کار آنی گھتری ءِ واستہ توا میں آسراتی آناں کارمرد کنت ۔ آئی ءَ گوشت کہ حکومت ءِ وژن ھیل کاری ءَ بگر تاں کاروبار ءَ تاں ’’ کامیاتیں ورنا پروگرام‘‘ ءِ وسیلگ ءَ ورنا آناں پاکستان ءِ ازمت ءِ واستہ تیار کنگ انت ۔
