سی پیک ءِ ھوالگ ءَ مارا وتی سیت آناں چارگ لوٹ ایت، صدر ٹرمپ ءَ پاکستان ءِ تر ءُُ تاب ءِ واھگ درشان کتگ، آ زوت پاکستان ءَ آیگ ءِ واھشت ایگ انت، کشمیر ءَ جاور آنی ھراب بوھگ ءِ سبب ءَ پڑے معیشت ءِ سر ءَ ھرابیں رند پد نکش بیت
اسلام آباد ۔ 23 جنوری (اے پی پی) وزیر ءِ درئی کار شاہ محمود قریشی ءَ گوشت کہ سی پیک ءِ ھوالگ ءَ مارا وتی سیت آناں چارگ لوٹ ایت ھما چیز کہ مئے سیت ءِ واستہ انت ما آئی ءِ پد ءُُ رند ءَ باں ، صدر ءِ ٹرمپ ءَ پاکستان ءِ تر ءُُ تاب کنگ ءِ واھشت درشان کتگ، آ زوت پاکستان ءَ آیگ ءِ واھشت ایگ آں ، کشمیر ءِ جاور ھراب باں گڈا پڑے معیشت ءِ سر ءَ ھرابیں رند پد نکش بیت ۔ پنچ شمبے ءِ روچ ءَ آئی ءَ وتی بیان ءِ تہ ءَ گوشت کہ چین پاکستان اقتصادی راہداری ءِ ھوالگ ءَ ما وتی سیت آں چار آں ھر چیز کہ مئے سیت ءِ واستہ انت ما ایشرا پد ءُُ رند کناں ۔ آئی ءَ گوشت کہ پاکستان ءِ گیشاں چہ گیش کوشست انت کہ ما وتی لیکہ ءَ را دگنیا ءِ دیم ءَ سہرا بکن آں ، اگاں کشمیر ءِ جاور ھراب باں گڈا زرباری ایشیا ءَ ھم کشاں چیل بنگیج بیت ءُُ پڑے معیشت ءِ سر ءَ ھرابیں رند پد نکش بیت، اے سرج میں جیڈھ آناں سہرا کنگ مئے فرض انت ءُُ مزن وزیر عمران خان ءَ ایشاناں سہرا کتگ ۔ آئی ءَ گوشت کہ صدر ءِ ٹرمپ ءَ پاکستان ءِ تر ءُُ تاب کنگ ءِ واھشت درشان کتگ آ زوت پاکستان ءَ کئیت ۔ امریکی صدر پھم انت کہ پاکستان ارزشتی ایں ملک ات ءُُ آ پاکستان ءِ گوما دو نیمگی یکوئی آناں گیش ودینگ لوٹ انت ۔
