کورونا وائرس ءِ گرء ُدار ءِ ھاترءَ کراچی، لاہور، اسلام آباد ء ُ باچاخان بالی پڑءَ تھرمل سکینر جوڑ کنگ بوتگ، ای ایشن ڈویژنءِ جارچین

اسلام آباد ۔ 23جنوری (اے پی پی) ایوی ایشن ڈویژنءِ جارچین ءَ گشتگ کہ جانء ُ سلامتی وزارت ءِ کمک ءَ چہ 4مزنیں بالی پڑآنی سرءَ کورونا وائرس ءِ گرء ُدار کنگءِ ھاترءَ تھرمل سکینر جوڑ کنگ بوتگ اَنت ۔ پنچ شمبے ءِ روچءَ جارچین ءَ وتی یک بیانءَ گشتگ کہ تھرمل سکینر کراچی بالی پڑ، لاہوربالی پڑ، اسلام آباد بالی پڑ ء ُ باچاخان بالی پڑءِ سرءَ جوڑ کنگ بوتگ ۔ تھرمل سکینر مسافرآنی درجہ حرارتءِ تپاسیءَ کنت، اے تھرمل سکینر میاں اوستمانی آیگءِ لاءونج ءَ جوڑ کنگ بوتگ کہ ایشیءِ وسیلگءَ چہ وائرسءِ است بوہگءَ را چارء ُ تپاسی کنگ بیت ۔