اسلام آباد ۔ 23جنوری (اے پی پی) خیبرپختونخوا بورڈ آف انویسٹمنٹ اینڈ ٹریڈ ءِ چیف ایگزیکٹو آفیسر حسن داءود بٹءَ گشتگ کہ سی پیک ءِ گیشاں چہ گیش پائدگ پاکستانءَ را بیت کہ اِدءَ معاشی ء ُ اقتصادی سُرء ُ پُربندات بوہگءَ ہوار روزگارءِ بازیں موہ ودی بنت، ہمے وڑءَ سی پیک ءَ کشتء ُ کشاری ءِ پڑءَ ہم بازیں منصوبہ آنی سرءَ کار بیت، معاشی ء ُ چاگردی پڑءَ کار کنگ بیت، جانء ُ سلامتی ء ُ نیزگاری ءِ تہءَ کمی ءَ ابید ورگی ساپیں آپ، ووکیشنل ٹریننگ ء ُ وانگء ُ زانگءِ پڑءَ آسراتی پھجارینگ بیت ۔ چارشمبے ءِ روچءَ ’’اے پی پی‘‘ ءَ گوں حاسیں گپء ُتران کتگء ُ آئیءَ گشتگ کہ اے گامگیجاں چہ معاشی ءُ اقتصادی دیمروئی بیت ء ُ پلاحء ُ گہبود ءِ پڑ گیش بنت ۔ حسن داءود بٹ ءَ پاک چین دوستیءَ وتی راستیں ء ُ تعمیری کردءَ را پیلو کنگءِ ضلورتءِ سرءَ زور پِرداتگ ۔
