ڈیووس ۔ 23جنوری (اے پی پی) مزن وزیر عمران خانءَ گوں میاں اوستمانی اقتصادی فورم ءِ سالانہ دیوانءِ موہءَ کوکاکولا کمپنی ءِ چیئرمین ء ُ چیف ایگزیکٹو آفیسر جیم کوئنسی ءَ گندء ُنندکتگ ۔ گندء ُنندءَ حزانگءِ صلہ کار عبدالحفیظ شیخ، مزن وزیرءِ حاسیں کمک کار ذوالفقار عباس بخاری،زرکاری ءِ ھاترء َ سفیر علی جہانگیر صدیقیء ُجینوا ءَ اقوام متحدہ ءَ پاکستان ءِ پکہّں مندوب خلیل ہاشمی ہم ساڑی بوتگ ۔ مزن وزیر ءَ کمپنی ءِ 1953ءَ بہ گر تاں انوں استیں آئیءِ ازمتءَ را ساڑاتگ ۔ زرکار ء ُ بیپاراناں حکومتءِ سرج میں کمک ءِ اوست داتگء ُ مزن وزیر ءَ حکومت ءِ کلین اینڈ گرین پاکستان ءِ گرین ٹیکنالوجی ءِ سرءَ زور پِرداتگ ۔ جیم کوئنسی ءَ پاکستان ءَ بیپاری چاگردءِ تہءَ گہتریءَ را ساڑاتگء ُ گیش زرکاری کنگءِ حُبء ُ واہگءِ درشانی کتگ ۔
