صدر، مزن وزیر، چیئرمین جوائنٹ چیفس آف اسٹاف کمیٹیء ُ سلاہ بندیں سروکانی اے سوبمندیءِ سرءَ راج ءَ را مراد
راولپنڈی ۔ 23جنوری (اے پی پی) پاکستانءَ پنچ شمبے ءِ روچءَ زمینءَ چہ زمینءِ سرءَ اُرش کنوکیں بیلسٹک میزائل غزنویءِ سوبمندیں تجروبت کتگ، میزائل 290کلومیٹر ءِ دوریءَ بازیں وار ہیڈ گوں وت بُرت کنت ۔ پاک فوج ءِ تعلقداری پڑ(آئی ایس پی آر)ءِ گشگءِ ردءَ تربیتی لانچ آرمی اسٹریٹجک فورسز کمانڈ ءِ فیلڈ ٹریننگ مشق ءِ بھر بوتگ کہ ایشی ءِ مولء ُ مراد شپء ُ رو چ ءِ وہدءَ ہم آپریشنل تیاریءَ را گہتر کنگ اِنت ۔ اے تربیتی لانچ ءِ چارء ُ تپاسی لیفٹیننٹ جنرل ذکی منج، ڈائریکٹر جنرل اسٹریٹجک پلانز ڈویژن، کمانڈر آرمی اسٹریٹجک فورسز کمانڈ، چیئرمین نیسکام، اسٹریٹجک پلانز ڈویژن ءِ سینئر افسر، آرمی اسٹریٹجک فورسز کمانڈ ، سائنسدانء ُ اسٹریٹجک تنظیم آنی انجینئر آں کتگ ۔ آئی ءَ مھک میں اسٹریٹجک کمانڈ اینڈ کنٹرول سسٹمء ُ اسٹریٹجک فورس آنی زانت کاریءِ سرءَ سرج میں اوستءِ درشانی کتگ ۔ ملک ءِ صدر ڈاکٹر عارف علوی ، مزن وزیر عمران خان ، چیئرمین جوائنٹ چیفس آف اسٹاف کمیٹی جنرل ندیم رضا ء ُ س سروسز چیفس ءَ راجءَ را اے سوبمندی ءِ مراد بات داتگ ۔
