اسلام آباد۔ 20 فروری (اے پی پی)200 میگاواٹ نا پیداواری لائخی نا مسہ ونڈ پاور پروجیکٹ اینخو سال انا ایسر اسکان کاریم نا بنائِ کیرہ۔ ریڈیو پاکستان نا رداٹ چین پاکستان اقتصادی راہداری نا رداٹ مسہ ونڈ پاور پروجیکٹ داسال انا ایسر اسکان آپریشنل مریرہ ہرافتیان 200 میگاواٹ بجلی دوئی کننگ مریک۔ رپورٹ نا رداٹ دادوٹی 50میگاواٹ نا ہائیڈرو پاور پروجیکٹ بروک آ تواسکان پورو مننگ نا اومیت ئِ وخت اس کہ 99 میگاواٹ نا لائخی تخوک ونڈ پاور ڈٹ اینخو سال ستمبر اسکان پورو مننگ نا گمان ئِ۔ سچل اٹی 50میگاواٹ نا ونڈ پاور پروجیکٹ جون اٹی پورو مریک وخت اس کہ سدمیگاواٹ نامسہ بجلی گھر بروک آ سال اسکان پورو مننگ نا گمان ئِ ۔ یات سلے کہ 100 میگاواٹ نا مسہ ونڈ پاور پروجیکٹ مہالوآن پورو ئُ ہرافتیان دوئی مروک آ بجلی ہم قومی گریڈ اٹی اوار کننگانے۔
