پاکستان ءَ جان سلامتی ءِ شوبگ ءِ دیمروئی ءِ واستہ حکومت ءِ پالیشی گہتری کار آنی بابت ءَ سرپد کت
ڈیووس ۔ 22 جنوری (اے پی پی) مزن وزیر عمران خان ءَ میاں اوستمانی فورم ءِ دیوان ءِ موہ ءَ چیف ایگزیکٹو آفیسر گلوبل ویکسین الائنس سیٹھ برکلے ءَ گوں گند ءُُ نند کت ۔ گند ءُُ نند ءِ ساھت ءَ مزن وزیر ءِ ھاسیں کمکار برائے زرّ ءَ آدیم پاکستانی سیدّ ذوالفقار عباس بخاری ءُُ سرمایہ کاری ءِ بابت ءَ سفیر سرمایہ کاری علی جہانگیر صدیقی ھم ساڑی ات ۔ مزن وزیر عمران خان ءَ چیف ایگزیکٹو آفیسر ءَ را پاکستان ءَ جان سلامتی ءِ شوبگ ءِ دیمروئی ءِ واستہ حکومت ءِ پالیشی گہتری ءِ کار آنی ھوالگ ءَ سرپد کت ۔ مزن وزیر ءَ گلوبل ویکسین الائنس ءِ نیمگ ءَ زھگ آنی واستہ سلیں نادُراھی پدا ھم لاءک ءِ دوا ءُُ درمان ءُُ دراھی ءِ رد ءَ پاکستان ءِ کمک آناں ساڑات ۔ آئی ءَ گوشت کہ پاکستان ھمروچگیں پٹوکی ءِ وارینگ ءِ شیڈول ءَ ٹائیفائیڈ ویکسین ءَ را ھوار کنوکیں دگنیا ءِ اولی ملک جوڑ بوتگ ۔ مزن وزیر ءَ ملک ءَ چہ پولیو ءِ ھلاسی ءُُ رکھینگی ٹُکہ آنی گیش اینتگیں سیم سر آنی در جنگ ءِ واستہ حکومتی کوشست آناں ھم تران کت ءُُ سرپد کت ۔ آئی ءَ گ وشت کہ حکومت ھمروچگیں ٹُکہ ءِ پروگرام ءِ واستہ مالی کمک ءِ کار رپک ءِ را سہرا کنگ ءَ انت ۔ چیف ایگزیکٹو آفیسر گلوبل ویکسین الائنس سیٹھ برکلے ءَ حکومت ءِ نیمگ ءَ کتگیں گامگیج آناں من ات ءُُ وتی ادارگ ءِ سرج میں کمک ءُُ ھمبراھ داری ءِ دل یکیمی دات ۔
