ڈیووس ۔ 22 جنوری (اے پی پی) مزن وزیر عمران خان ءَ گوں سمنز ءِ چیف ایگزیکٹو آفیسر جوکائسر ءَ میاں اوستمانی اقتصادی فورم ءَ ھمک سالی دیوان ءِ موہ ءَ چار شمبے ءَ ادا گند ءُُ نند کت ۔ اے موہ ءِ سر ءَ مزن وزیر ءِ مشیر تجارت عبدالرزاق داءود، مزن وزیر ءِ ھاسیں کمکار سیدّ ذوالفقار عباس بخاری ءُُ سفیر برائے سرمایہ کاری علی جہانگیر صدیقی ھم موہ ءِ سر ءَ ساڑی ات ۔ پاکستان ءِ ھاٹیگ ءِ شوبگ ءَ سمنز ءِ کوھنیں کرد آناں ساڑاھان ءَ مزن وزیر ءَ گوشت کہ ورنا آناں بلد کار کنگ حکومت ءِ اولی ترجی داتگیں کار آنی تہ ءَ ھوار انت ۔ مزن وزیر ءَ گوشت کہ بلدکاریں ورنا آنی پروگرام ءِ چیر دستی ءَ سمنز پاکستانی انجینئرز آنی واستہ جوانیں ٹیکنالوجی ءِ ھیل کاری پروگرام ءَ را ساڑات کت کنت ۔ مزن وزیر ءَ گوشت کہ بلدکاری پڑ ءَ را دیمروئی دیگ ءَ چہ روزگار ءِ موہ پیداک بنت ءُُ دیمروئی ءِ نمبگ آنی تہءَ گیشی بیت ءُُ اے رد ءَ سمنز آنی کمک سیت ایگ سہرا بنت ۔ آئی ءَ سمنز آناں دعوت دات کہ آ پاکستانی یونیورسٹی آنی کمک ءَ بکن انت ۔ مزن وزیر ءَ سمنز ءَ چیف ایگزیکٹو آفیسر ءَ را پاکستان ءِ تر ءُُ تاب کنگ ءِ ھم دعوت ھم دات ۔ سمنز آنی شمار توان، آٹومیشن، ڈیجیٹلائزیشن ءِ شوبگ آنی تہ ءَ کار کنوکیں دگنیا ءِ کلانہ ایں کمپنی آنی تہ ءَ بیت انت ۔
