اسلام آباد ۔ 22جنوری (اے پی پی) پناہ گزین آتا جہانی ادارہ یو این ایچ سی آر نا یوتھ سفیر پنی آ کاروباری بندغ جاوید آفریدی چینی کرنسی نا انٹرنیشنلائزین و تین پہ تینی واپار اٹی دانا کاریم اٹ اتنگ نا چینی حکومت نا عزم انا ستاءِ کرینے ۔ چارشنبے نادے آ تینا ٹویٹ اٹی جاوید آفریدی پارے کہ چین نا رینمن یونیورسٹی نا ژاءو شی جن و اونا ٹیم اتون اونا اوڑدہی جوان ءُ چاگڑد اسے ٹی مس ۔ اوپارے کہ دا اوڑدہی ٹی اودے چینی ڈل چینی کرنسل نا انٹرنیشنلائزین و تین پہ تینی واپار اٹی دانا کاریم اٹ اتنگ نا چینی حکومت نا عزم آن معلومدار کرے ہرا ستاکڑزک ۔ اوپارے کہ اوڑدہی ٹی پاک چین واپار نا مون آ دننگ و چین نا پاکستان اٹی ٹریژری بلز و بانڈآتے ٹی زرکاری نا بابت ہم سرجم گپ و تران کننگا تانکہ ہڑتوم آ ملک آتا تین پہ تینی تعلقداری تیان حقی فائدہ ہرفنگ مرے ۔

متعلقہ مضامینمصنف کی طرف سے مزید