اسلام آباد۔ 20 فروری (اے پی پی) نیشنل ہائی وے اتھارتی گدرینگوک آ مسہ سال اٹی موٹروے و ہائی وے نا 15 ڈٹ آتے پورو کرے۔ این ایچ اے بسیمہ ناگ۔پنجگور ۔ہوشاب ہائی وے N-85پور و کرے ہراڑآ 18 ارب روپئی آن زیات خڑچ بسنے ۔ 193کلو میٹر مریس M-8 نا گوادر۔ہوشاب سیکشن نا ایلو جوڑجاڑی کاریم 13ارب روپئی نا خڑچ آن پورو کننگا۔ 111کلومیٹر مریس قلات کوئٹہ چمن ہائی وے 6 ارب روپئی نا خڑچ آن پورو مس۔ نیشنل ہائی وے اتھارٹی 2015ءٹی فیصل آباد ملتان موٹروے نا اِرا سیکشن پورو کرے، این ایچ اے 12 ارب روپئی نا خڑچ آن 56کلومیٹر مریس خانیوال ۔ملتان سیکشن و9 ارب روپئی آن زیات نا خڑچ آن 58 کلومیٹر مریس فیصل آباد۔گوجرہ سیکشن پورو کرے۔ اسہ پین اہم ئُ ڈٹ اس شاہراہ قراقرم نا 144 کلومیٹر مریس رائے کوٹ تھاکوٹ سیکشن ئِ ہرا گدرینگوک آ سال 6 ارب روپئی آن زیات نا خڑچ آن پورو کننگا۔ داکان مست شاہراہ قراقرم نا خنجراب رائے کوٹ سیکشن پنچ ارب روپئی آن زیات خڑچ آن گچین جوڑ کننگا۔ 14ارب روپئی آن زیات خڑچ آن انڈس ہائی وے نا کم و ود 197 کلومیٹر سیون رتوڈیرو بشخ ئِ ا پ گریڈ کننگا۔
