پاک فوجءِ سروک جنرل قمر جاوید باجوہ ءَ گوں پاکستان ءَ اٹلی ءِ سفیر سٹیفانوپونٹیکوروءِ رخصتی گندء ُ نند

راولپنڈی ۔ 21جنوری (اے پی پی) پاک فوج ءِ سروک جنرل قمر جاوید باجوہ ءَ گوں پاکستان ءَ استیں اٹلی ءِ سفیر سٹیفانوپونٹیکوروءَ رخصتی گندء ُنندکتگ ۔ پاک فوج ءِ تعلقداری پڑ(آئی ایس پی آر) ءِ گشگءِ ردءَ جی ایچ کیو راولپنڈی ءَ بوتگیں گندء ُنند ءَ پاک فوجءِ سروک جنرل قمر جاوید باجوہ ءَ اٹلی ءِ سفیر ءِ پاکستان ءَ وتی ازمتءِ دیءگءَ شگرء ُمنت گپتگ ء ُ پاکستان اٹلی ءِ سیادی ءَ را گیش مھکم کنگءِ ھاترءَ کرد پیلو کنگءَ را ساڑاتگ ۔ پاک فو جءِ سروک جنرل قمر جاوید باجوہ ءَ سفیر ءَ را اوگانستانءَ نیٹو ءَ سول سینئر نمائدگ جوڑ بوہگءَ مراد بات داتگ ۔ حاسیں مہمان ءَ دمگی سلامتی ء ُ مھکمی ءِ ھاترءَ پاکستانءِ کردءَ را ساڑاتگء ُ اوگانستان ءَ امنء ُ ایمنی جوڑ کنگءِ جوانیں گامگیجءَ را ساڑاتگ ۔