اسلام آباد۔ 21جنوری (اے پی پی) امیر البحر ایڈمرل ظفر محمود عباسی تون کمانڈر کینیا نیوی اوڑدہی کرے ہراٹی تین پہ تینی است خواہی نا باندات بشمول بحری کمکاری ءِ مون آ دننگ آ گپ و تران کننگا۔ ترجمان پاک بحریہ نا رداٹ کمانڈر کینیا نیوی نیول ہیڈکوارٹرز اسلام آباد نا دورہ ءِ کرے۔ نیول ہیڈ کوارٹرز آ بننگ آ پاک بحریہ نا سروک شرفمند آ مہمان ءِ بخیر کرے و اودے روایتی وڑاٹ گارڈ آف آنر پیش کننگا۔ شرفمند آ مہمان یات گار شہداء آ پھل آتا چادراس شاغا و اونا چیفس آف اسٹافس و پرنسپل اسٹاف آفیسرز آتون درستی راستی ءِ کرفنگا۔ کمانڈر کینیا نیوی پاکستانی بحری جہاز آتا کنڈآن ممبا سا ٹی میڈیکل کیمپ اس اڈتننگ نا خصوصی سفت ءِ کرے۔ اوکان پد شرفمند آ مہمان ءِ تروک آ حوال اٹی علاقائی بحری سیکورٹی حالیت آتون اوار مقبوضہ کشمیر آ پاکستانی موقف آن معلومدار کننگا۔ کمانڈر کینیا نیوی نا دادورہ غان ہڑتوم آ ملک آک خاص وڑاٹ بحری فوج آتا نیام اٹ ہڑتوم آ کنڈآتا کمکاری ءِ پین مون آ دننگ رسینگک۔
