ملک اٹی کشت وکشار نا شونداری و بزغر آتا شونہالی کن حکومت انقلابی گام گیج کرینے
اسلام آباد۔ 21جنوری (اے پی پی) وزیراعظم نا خصوصی کمکار فردوس عاشق اعوان پارینے کہ ملک اٹی کشت وکشار نا شونداری و بزغرآتا شونہالی کن وزیراعظم عمران خان نا حکومت انقلابی گام گیج کرینے، بزغرآتے اڑزان کھد انا فراوانی کن حکومت کھد آتا کارخانہ غاتے گیس انا مد اٹی 400 روپئی فی بوری ریلیف تسنے۔ سے شنبے نادے آ تینا ٹویٹ اٹی ڈاکٹر فردوس عاشق اعوان پارے کہ گیس انا فراوانی آ خراج 405آن کم کرسا بیرہ 5روپئی کننگانے۔ بزغرآتے 400 روپئی اڑزان بوری نا فراوانی ملک اٹی بزغر و کشت وکشار نا شونداری نا سوب مریک، بزغر و کشت و کشار نا شونداری پاکستان نا شونداری ءِ۔
